Informacije aso delegatija

POMOĆNO SLUŽBA. O phralja ki akija služba isi len zadatko te pomožinen tumenđe. Molinaja tumen te sarađujinen olencar hem te šunen len ked phenena tumenđe kaj te parkirinen tumen, kotar te khuven hem kotar te ikljon, kuri šaj te bešen hem avera buća.

KRŠTENJE. O thana okolenđe kola ka krstinen pe ka oven astarde ko prva redija angli bina, osim ako nane averćhane označimo. Ki subota sabale, o kandidatija kola ka krstinen pe valjani te bešen ko pe thana angleder te počmini o govor e krstibase. Svako olendar valjani te ovel le po peškiri hem pristojna šeja krstibase.

PRILOGIJA. But koštini te iznajmina o kongresno objekat, te ovel amen šukar ozvučenje, i video oprema hem sa avera buća kola ćerena te osetina amen šukar hem te ova pana popaše e Jehovaja. Sebepi tumare dobrovoljna prilogija, podupirini pe o propovedibe ko celo sveto hem sa akala troškija šaj te ućharen pe. Ko celo objekat šaj te arakhen kutije kuri šaj te ćhiven tumaro prilog. Isto odova šaj te ćeren onlajn prekalo donate.jw.org. Tumare prilogija but ceninena pe. O Vodeće telo tano zahvalno so hijen phravde vastese hem so podupirinena o Kraljevstvo.

PRVA POMOĆ. Molinaja tumen, ma bistren so šaj te roden pomoć samo ko hitna slučaja.

NAŠALDE HEM ARAKHLJE BUĆA. Sa o buća kola arakhena, valjani te legaren ko akava odeljenje. Ako diso našalđen šaj te roden odothe. E ćhaven kola našaldilje valjani te legaren ko akava odeljenje. Ama, te na avel đi ko asavke situacije, molinaja tumen te arakhen tumare ćhaven hem uvek te oven uzo tumende.

THANA BEŠIBASE. Molinaja tumen razmislinen averendar. Ma bistren so šaj te astaren thana samo tumare ćherutnenđe, okolenđe kola putujinena tumencar ko ista vorda, kola živinena tumencar ko isto ćher ja okolenđe kasa proučinena. Molinaja tumen, ko thana kola na valjanena tumenđe, ma ćhiven nisave buća.

DOBROVOLJNO SLUŽBA. Ako mangena te pomožinen te organizujinen pe o buća ko kongres, molinaja tumen prijavinen tumen ko odeljenje Informacije hem dobrovoljno služba.