Čer pošukar ti služba – Te svedočina prekalo ljila

SOSE TANO ODOVA VAŽNO. O prvo ljil e Korintskonendže tano jekh ando 14 ljila kova o apostol Pavle pisindža te bi ohrabrini pe phraljen. O manuš kova pisini o ljil isi lje pobuter vreme pažljivo te birini o lafija, a o manuš kova dobini o ljil šaj but puča te čitini lje. O ljila tane šukar način te svedočini pe e familijače hem okoljendže kas pendžaraja. Isto adžahar, prekalo ljila šaj te svedočina hem okoljendže kasa našti lično te vačera. Na primer, neko šaj manglja te džanel pobuter ando čačipe, ama tano pharo te arakha lje čhere. Šaj ko amaro tereni našti te ava dži o manuša sose živinena ko zgrade kola tane phanlje, ko naselja kuri pharo šaj te avel pe dži o manuša ja živinena ko dur thana. So valjani te ovel amen ki godi, posebno ked pisinaja nekase kas na pendžaraja?

SAR TE ČERE ODOVA

• 

  Pisin odova sar so bi vačereja e manušese lično. Ko početko ando ljil pisin to nav hem to prezime hem jasno vačer sose pisineja. Palo odova bi šaj te pisine dijekh pučibe koljestar o manuš šaj te razmislini hem te usmerine lje ki amari internet stranica. Objasnin ljese sar izgledini jekh biblijako kurs hem pomin disave naslovija andi dijekh publikacija kolaja proučini pe. Isto adžahar, uzo o ljil šaj te čhive hem disavi literatura, sar soj tani i kontakt-kartica ja traktati.

• Ma pisin baro ljil sose o manuš šaj te čhindžol hem na ka čitini lje dži o krajo. (Dikh o primer sar šaj te pisini pe o ljil.)

• Čitin o ljil pana jekhvar te šaj te ispravine o greške hem te ove sigurno so o ljil tano lokho te haljol pe, soj tano taktično hem prijatno.