Ternaljen, oven primer ko odova te čeren šukar delija

Ko poklo ljil dži o Tit, o apostol Pavle pisindža so o terne, so uključindža hem e Tite, valjani te den sa pestar te oven primer ko odova te čeren šukar delija (Ti 2:6, 7). Ko isto šero ov mothovdža so o Isus ka čistini e Jehovase narodo te bi „revno čerela šukar delija“ (Ti 2:14). Jekh kotar odola šukar delija tano te propovedina hem te sikava ando e Devljeso Kraljevstvo. Ako tu hijan terno, da li šaj te koristine ti snaga te služine sar pomoćno ja stalno pioniri? (Psl 20:29).

Ako mangeja te služine sar pioniri, čer tuče jekh šukar plani (Lu 14:28-30). Na primer, sar ka učhare te troškija? Sar ka ispunine o satija asi ti pionirsko služba? Molin tut e Jehovase te pomožini tut (Ps 37:5). Vačer ando toklo plani te roditeljencar ja okoljencar kola tane iskusna pionirija. Palo odova, čer ko to cilj. O Jehova sigurno ka blagoslovini tut, sose trudineja tut te služine oljese najviše so šaj.

DIKH O KRATKO FILM MLADI SLAVE JEHOVU HEM PALO ODOVA ODGOVORIN KO AKALA PUČIBA:

• Save problemija nakhavdže nesave terne te šaj te oven pionirija hem sar uspindže ko odova?

• Sar šaj o roditeljija te pomožinen pe čhavendže te oven stalna pionirija?

• Sose tano važno te ovel tut raspored asi služba?

• Sar šaj avera ki skupština te ohrabrinen hem te pomožinen e pionirendže?

• Kola blagoslovija isi ljen o pionirija?