BARVALJIPE ANDO E DEVLJESO LAFI | POSTANAK 9–11
„Celo phuv hine la samo jekh čhib“
Ko Vavilon o Jehova rasejindža e neposlušna manušen adžahar so pomešindža olenge čhibja. Avdije ov čedela jekh baro mnoštvo ando sa o narodija hem čhibja hem dela len i „čisto čhib“. Odolese on šaj „te vičinen e Jehovaso nav hem te služinen olese ko jekhipe“ (So 3:9; Ot 7:9). Odija „čisto čhib“ tani o čačipe ando Jehova hem andi olesi namera kolatar vačeri pe ki Biblija.
Te šaj te sikljove disavi nevi čhib, nane dovoljno samo te pamtine o neve lafija. Valjani te sikljove sar te razmisline ko jekh nevo način. Isto adžahar, te šaj te sikljova i čisto čhib ando čačipe, amen valjani te menina amaro način sar razmislinaja (Ri 12:2). Akava tano jekh proces kova stalno trajini hem anela dži odova e Devlese sluge te oven ko jekhipe (1Ko 1:10).