Sar o rom hem i romni šaj te zorjačeren po brak

O Avraham hem i Sara tane šukar primer sar bračni par so mothovdže mangipe hem poštovanje jekh premalo aver (Pst 12:11-13; 1Pe 3:6). Ama, olengo brak na hine savršeno hem valjandže te istrajinen ko pharipa. So šaj o bračna parija te sikljon ando e Avrahameso hem e Sarako primer?

Vačeren jekh jekheja. Odgovorin ljubazno ako to rom ja ti romni phendža diso ki holi (Pst 16:5, 6). Arakhen vreme jekh jekhese. Hem lafencar hem ko delija mothov te bračno amalese so mangeja le. Ama, najvažno tano o solduj te oven usredsredime ko tumaro amalipe e Jehovaja adžahar so ka proučinen, ka molinen tumen hem ka služinen lese zajedno (Pro 4:12). O zorale brakija anena slava e Jehovase kova čerdža o brak.

DIKH O FILM KAKO OJAČATI BRAK HEM PALO ODOVA ODGOVORIN KO AKALA PUČIBA:

• So mothovdža so o Šan hem i Kjara ovena sa podur jekh jekhestar?

• Sose tano but važno o bračna parija phravdo te vačeren jekh jekheja?

• Sar e Avrahameso hem e Sarako primer pomožindža e Šanese hem e Kjarače?

• So čerdže o Šan hem i Kjara te šaj te zorjačeren po brak?

• Sose o rom hem i romni na valjani te očekujinen so olengo brak ka ovel savršeno?