Da li ikaleja korist andi brošurica Svakodnevno razmatranje Pisma?

Da li tu svako dive čitineja e biblijako stih hem o komentari andi brošurica Svakodnevno razmatranje Pisma? Ako na, da li šaj redovno te čere odova? But džene čitinena e diveso citat rano sabale. Adžahar on šaj te razmislinen olestar celo dive (IN 1:8; Ps 119:97). Sar šaj te ikale pana poviše korist ando e diveso citat? Čitin o kontekst ando odova stih te haljove sostar vačeri pe. Probin te razmisline ando dijekh biblijako događaj kova šukar objasnini o načelo istaknimo ko e diveso citat. Palo odova primenin le ko toklo dživdipe. Ked e Devleso Lafi utičini ko te odluke, ov ka vodini tut hem čače ka koristini tuče (Ps 119:105).

O betelska porodice ko celo sveto sabale razmotrinena i brošurica Svakodnevno razmatranje Pisma. Ko zadnja berša but ando odola govorija tane ki amari televizija ki video-kategorija PROGRAMI I VAŽNI SKUPOVI. Ked zadnjo puti palem dikhljan jekh ja pobuter olendar? Šaj disavo govor tano baš odova so tuče valjani. Na primer, sar šaj odova so ulo e Loteja te utičini ko te odluke?

DIKH O KRATKO FILM NEMOJTE VOLETI SVET (1JV 2:15) HEM PALO ODOVA ODGOVORIN KO AKALA PUČIBA:

• Ko kova biblijako načelo temeljini pe akava govor ko Jutarnjo biblijako program?

• Sar e Loteso primer mothovi kobor tano opasno te manga o sveto hem o buča ko sveto? (Pst 13:12; 14:12; 19:3, 12, 13, 24-26)

• Sar mothovaja so mangaja e Jehova, a na o sveto hem o buča ko sveto?