Čer pošukar ti služba – Te propovedina okolendže kola na dikhena

SOSE TANO ODOVA VAŽNO. Okolendže kola našti te dikhen često tano neprijatno te vačeren nekasa kas na pendžarena. Odolese, valjani te džana sar te propovedina asavke manušendže. O Jehova mangipaja brinini pe ando okola so na dikhena (Le 19:14). Amen šaj te ova sar oleste adžahar so ka da sa amendar te pomožina lendže te sikljon ando Jehova.

SAR TE ČERA ODOVA

• Rode okolen kola na dikhena (Mt 10:11). Da li pendžareja nekas ko isi le ki porodica neko ko na dikhela? Da li ko toklo tereni isi škole, ustanove ja čhera okolendže kola na dikhena? Da li ko asavke thana isi manuša kola bi mangena te ljen amare publikacije ko Brajevo pismo?

• Mothov lično interes. Ked hijan ljubazno hem iskreno zainteresovano premalo lende, tegani on ka opustinen pe. Probin te počmine o razgovor andi tema koja zanimini e manušen ko tumaro područje.

• Pomožin len duhovno. E Jehovasi organizacija čerdža publikacije ko razna formatija te bi pomožini e manušendže kola na dikhena hem okolendže kola slabo dikhena. Puč len kova formati najviše odgovorini lendže. O nadglednik andi služba valjani te proverini da li o sluga asi literatura naručini o publikacije ko format kova rodena o manuša kola na dikhena.