Sar šaj te koristina o predlogija ko deo „So šaj te vačera“?

Ando januar 2018. berš, isi amen predlogija so šaj te vačera ki prvo strana ki Radno sveska. Sar šaj te koristina len?

Ked isi tut učeničko zadatko. Valjani te koristine o pučibe, o stih hem o pučibe asi poseta. Ama, odova na značini so valjani te koristine sa ista lafija sar ki snimimi prezentacija. Šaj te počmine o razgovor averčhane, te smisline aver situacija hem ko aver način te objasnine o stih ili dijekh misao. Isto adžahar šaj te de dijekh kotar amare glavna publikacije e službače, čak iako nane pisimo te čere odova.

Ked hijam ki služba. O predlogija ki Radno sveska tane čerde te den amen ideje sar te počmina o razgovor. Ako o manuš mothovi iskreno zanimanje hem mangela te džanel pobuter, šaj te nastavine o razgovor, možda adžahar so ka koristine o predlog asi naknadno poseta. Tu šaj te menjine o predlog ili te koristine diso skroz aver. Da li i tema ando okova masek ili aver biblijako stih, poviše odgovorinena e manušendže ko toklo tereni? Da li ko than kuri živineja e manušen pobuter interesini odova so trenutno desini pe ili dijekh novost? Koristin o predlogija sar tuče odgovorini. Ama to cilj valjani te ovel te čere sa sebepi i šukar vest, te bi propovedineja la averendže (1Ko 9:22, 23).