Ma širin o informacije kola nane tačna

Avdije, o informacije but sigate resena đi o milionija manuša prekali štampa, radio, televizija hem o internet. Amen služinaja e Jehovase, kova tano Devel „ando ćaćipe“ hem odolese na mangaja ni nenamerno te širina o hovavne informacije (Ps 31:5; Iz 23:1). O hovavne informacije kola širinena pe šaj but te povredinen averen. Ked razmislineja da li tani disavi informacija tačno ili na, puć kokri tut:

• „Da li šaj te verujinav okolese kastar avela i informacija?“ Okova kova vaćeri dijekh informacija šaj na đanela sa o detaljija. O priče so širinena pe šaj te oven menjime. Odolese pazin te na vaćere diso ako na đaneja ko počminđa te vaćeri odolestar. Amen verujinaja okolenđe kola isi len odgovornostija ki skupština ked vaćerena dijekh informacija. Odolese on valjani posebno te pazinen te na širinen informacije kola nane proverime.

• „Da li tani i informacija kleveta?“ Ako odija informacija rumini o anav ando dijekh manuš ili grupa, najšukar tano te na širina la (Psl 18:8; Fp 4:8).

• „Da li šaj te verujinav ki odija informacija?“ Ov oprezno ked šuneja disave uzbudljiva priče hem iskustvija.

DIKH O KRATKO FILM KAKO ZAUSTAVITI OGOVARANJE? HEM PALO ODOVA PUĆ AKALA PUĆIBA:

• 

  Premalo Poslovice 12:18, sar šaj amare lafija te povredinen averen?

• 

  Sar o stih ando Filipljanima 2:4 pomožini amen mudro te birina so ka vaćera averendar?

• 

  So valjani te ćera ked neko počmini te vaćeri negativno averendar ja te marel lenđe muj?

• 

  Angleder so počminaja te vaćera averendar, so valjani te puća amen?