Da li hijan spremno te de i molba asi Škola e objaviteljenđe ando Kraljevstvo?

Da li isi tut maškaro 23 hem 65 berš hem služineja ki punovremeno služba? Da li hijan sasto hem šaj te služine uduri kaj isi bari potreba? Ako te odgovorija tane ja, da li razmislinđan te de i molba asi Škola e objaviteljenđe ando Kraljevstvo? Sar počmija o prvo razred hiljade bračna parija, phralja hem phenja kola tane kokri dinđe i molba. Ama, amenđe pobuter valjanena phralja kola tane kokri te den i molba. Rode ando Jehova te barjol ti želja te ugodine lese hem te oponašine olese Ćhave (Ps 40:8; Mt 20:28; Jev 10:7). Palo odova, razmislin sar šaj te smanjine to vreme ki buti ili te obaveze te bi ispunineja o uslovija asi škola.

Ko kola načinija hem thana služinena okola kola završinđe i škola? Disave služinena ko područje kuri vaćeri pe aver ćhib ili učestvujinena ko posebno program ko svedočenje ko bare dizja. A avera služinena sar pokrajinska nadglednikija ili olenge zamenikija ili sar misionarija. Đi razmislineja so šaj te ćere ki služba e Jehovase, šaj isi tut isto stav sar o prorok Isaija kova phenđa: „Aće man, man bićhal“ (Is 6:8).

DIKH O FILM MISIONARI – VREDNI ŽETEOCI, HEM PALO ODOVA ODGOVORIN KO AKALA PUĆIBA:

• 

  Sar tane birime o misionarija?

• 

  Savi šukar buti ćerena o misionarija?

• 

  Kola blagoslovija isi len o misionarija ki pikli služba?