Da li spremineja tut asi Spomen-svečanost?

E Isusesi zadnjo Pasha hine but značajno. Ov đanđa so pana hari ka merel hem odolese halja pe apostolencar o pashalno habe hem uvedinđa i nevi proslava koja vićini pe e Gospodaresi večera. Odolese bićhalđa e Petare hem e Jovane te spreminen i soba asi Pasha (Lu 22:7-13; dikh i naslovno strana). Akava setinćeri amen so hem amen valjani te spremina amen asi Spomen-svečanost, koja ka ovel ko 27. mart. I skupština ka organizujini ko ka ićeri o govor, ko ka spremini o simbolija hem avera buća. Ama, sar šaj svako amendar te spremini pe asi Spomen-svečanost?

Pripremin to vilo. Pratin o raspored ando e biblijako čitibe ki brošurica Svako dive razmotrin e Devleso lafi hem hor razmislin ando odova so čitineja. Ko revidirimo izdanje Sveto Pismo prevod Novi svet, ko dodatkija B12-A hem B12-B šaj te arakha podetaljno raspored. (Dikh hem i Radno sveska aso april 2020.) Ked isi len porodično proučavanje o porodice šaj te koristinen o Indeks publikacija ili o Vodič kroz publikacije te bi arakhena o informacije ando odova kobor tani i otkupnina važno.

Vićin averen te aven. De sa tutar te učestvujine ki akija akcija. Razmislin kas šaj te vićine, sar na primer e manušen kas posetineja, okolencar kasa angleder proučinđan, okolen kas penđareja ili te familija. O starešine valjani te vićinen okolen kola tane neaktivna. Ma bistri so ako neko živini dur tutar tu šaj te vićine le te avel ki Spomen-svečanost ađahar so ka arakhe o vreme hem o than kova tano paše zalo leste ko amaro veb-sajt jw.org, ko deo AMENDAR birin „Spomen-svečanost“.

So pana šaj te ćere te bi spremineja tut?