Trin načinija ko kola šaj te oslonina amen upro Jehova

O David pobedinđa e Golijate odolese so osloninđa pe upro Jehova (1Sa 17:45). O Jehova mangela te koristini pi snaga te bi zaštitini pe slugen (1Le 16:9). Sar šaj te oslonina amen upri e Jehovasi pomoć, a na upro amaro iskustvo hem sposobnostija? Aće trin načinija:

• Molin tut često. Molin tut e Jehovase na samo te oprostini tuće ked ćereja disavi greška, nego hem te del tut snaga ked hijan ko iskušenje (Mt 6:12, 13). Molin tut e Jehovase na samo te blagoslovini o odluke kola već anđan, nego te vodini tut hem te del tut mudrost angleder so aneja disave odluke (Ja 1:5).

• Nek ovel tut navika te čitine hem te proučine i Biblija. Čitin i Biblija svako dive (Ps 1:2). Odvojin vreme te razmisline ando e biblijake primerija hem primenin odova so sikljoveja (Ja 1:23-25). Spremin tut asi služba umesto te oslonine tut upro toklo iskustvo. Ako mangeja te ovel tut potpuno korist ando sastankija valjani te spremine tut.

• Šun o smernice kola dela e Jehovasi organizacija. Valjani te đane o neve smernice kola dobinaja andi amari organizacija hem so posigate te primenine len (Br 9:17). Ov poslušno e starešinenđe ked dena tut savetija hem smernice (Jev 13:17).

DIKH O VIDEO NANE SOSE TE DARA ANDO PROGONSTVO HEM PALO ODOVA ODGOVORIN KO AKALA PUĆIBA:

• Savi dar hine len o phralja hem o phenja?

• So pomožinđa lenđe te pobedinen odija dar?