Ov pioniri

Ked ćhivaja amenđe ciljija, amen šaj mudro te koristina amari snaga (1Ko 9:26). O ciljija šaj te pomožinen amenđe te koristina amaro vreme ko najšukar način (Ef 5:15, 16). Ko porodično proučibe, sar porodica šaj te razmislinen kola ciljija šaj te ćhiven tumenđe aso nevo službeno berš. Akija radno sveska ko nekobor člankija vaćeri ando različita ciljija kola šaj te ćhiva amenđe. Šukar bi ovela uzi molitva te razmislina olendar (Ja 1:5).

Da li neko andi tumari porodica šaj te ovel stalno pioniri? Ako na hijan sigurno da li šaj te ispunine o satija, tegani šaj te vaćere dijekhe pionireja kova tano ki slično situacija sar tu (Psl 15:22). Ko porodično proučibe šaj te ćere intervju jekhe pionireja. Palo odova šaj te ćere nekobor rasporedija. Ako angleder hijan le pioniri, razmislin da li šaj palem te ove.

Da li neko andi ti porodica šaj te ovel pomoćno pioniri jekh masek ja pobuter? Iako šaj nane tut but snaga, šaj te ove pomoćno pioniri ađahar so svako dive ka đa hari ki služba. Ako svako dive ćereja buti ili đaja ki škola, tu šaj te ove pomoćno pioniri ko masekija ked isi tut odmor ja raspust, ja ko masek kova isi le panđ vikendija. Ko kalendari pisin kova masek šaj te ove pomoćno pioniri hem ćer jekh raspored (Psl 21:5).

DIKH O VIDEO OV HRABRO. . . PIONIRI HEM PALO ODOVA ODGOVORIN KO AKAVA PUĆIBE:

• Sar e Amandako primer mothovi so o Jehova brinini pe ando okola so služinena sar pionirija?