Arakh savetija ko JW.ORG kola ka pomožinen tut ko to životi

E Devleso Lafi dela amen sa so valjani amenđe te šaj te ikljova ko krajo amare problemencar ko akala phare dive (2Ti 3:1, 16, 17). Ama, podijekh puti valjani amenđe pomoć te šaj te arakha e biblijake načelija kola odnosinena pe ki amari situacija. Na primer, ako hijan roditelji, šaj rodeja savetija kola ka pomožinen tut te barjaćere te ćhaven. Ako hijan tinejdžeri, šaj rodeja savetija kola ka pomožinen tut ko razna kušnje. Ja šaj mulo tutar to rom ja mulji ti romni hem sebepi odova tuće tano but pharo. Ko amaro sajt jw.org ka arakhe e biblijake načelija kola ka pomožinen tut ko akala hem ko avera problemija (Psl 2:3-6).

Ki početno strana ando sajt jw.org, đa ko BIBLIJAKE SIKLJOVIBA (dikh i prvo slika). Palo odova, birin odova so mangeja. Ja đa ki BIBLIOTEKA > SERIJE ANDO ČLANKIJA hem birin odova so mangeja (dikh i dujto slika). Ista akala buća šaj te arakhe hem ki aplikacija JW Library^®.a Šaj te dikhen kola sa člankija isi ko akala duj thana. Pana jekh način sar šaj te arakhe disavi tema tano te pisine ko deo Rode ko jw.org.

Ko deo Rode pisin o teme kola tane dinde tele hem ćer tuće jekh spisko ando člankija kola mangeja te čitine.

• Ćhave

• Tinejdžerija

• Meribe