Ćer to deo te šaj ti porodica te ovel bahtali

O Jehova mangela svako porodica te ovel bahtali (Ps 127:3-5; Pro 9:9; 11:9). Ama, avdije svako porodica isi la pe problemija hem sare amen podijekh puti grešinaja. Odolese, disavo puti tano pharo te ovel amen bahtali porodica. So šaj svako amendar te ćerel te šaj amari porodica te ovel bahtali?

O rom valjani te poštujini pe romnja (1Pe 3:7). Ov valjani te odvojini vreme olaće. O rom na valjani te rodel andi pi romni okova so oj našti te del hem valjani te mothovi so cenini odova so oj ćerela asi celo porodica (Ko 3:15). Ov mothovi so mangela la hem pohvalini la (Psl 31:28, 31).

I romni valjani te podržini pe rome (Psl 31:12). Oj valjani te ovel podložno olese hem te sarađujini oleja (Ko 3:18). Oj ljubazno vaćeri oleja hem na vaćeri lošno olestar (Psl 31:26).

O roditeljija valjani te odvojinen vreme pe ćhavenđe (Pz 6:6, 7). On valjani te phenen pe ćhavenđe kobor mangena len (Mt 3:17). Ked ispravinena len, valjani te mothoven mangipe hem te oven razumna (Ef 6:4).

O ćhave valjani te šunen hem te poštujinen pe roditeljen (Psl 23:22). On valjani te vaćeren pe roditeljencar ando odova sostar razmislinena hem sar osetinena pe. Ked o roditeljija ispravinena len, on valjani te prihvatinen i disciplina hem te mothoven so poštujinena len (Psl 19:20).

DIKH O VIDEO SAR ŠAJ AMARI PORODICA TE OVEL BAHTALI HEM PALO ODOVA ODGOVORIN KO AKAVA PUĆIBE:

So šaj svako amendar te ćerel te šaj amari porodica te ovel bahtali?