Koristin i Biblija sar ogledalo

E Isuseso učenik o Jakov uporedinđa i Biblija sar jekh ogledalo kova pomožini amen te dikha save hijam hor andral (Jak. 1:22-25). Sar šaj te koristina i Biblija ko ispravno način?

Pažljivo čitin. Ako samo sigate dikhaja amen ko ogledalo, šaj na ka dikha diso so nane šukar koro amende. Isto ađahar, ako samo sigate čitinaja i Biblija, amen na ka dikha so valjani te menina koro amende. Te šaj te ćera odova, valjani pažljivo te čitina la.

Dikh tut, a na averen. Prekalo jekh ogledalo šaj te dikha hem avere manušen, zavisini ko savo than ćhivaja le. Isto ađahar, amen šaj te čitina i Biblija hem te razmislina ando odova so avera valjani te meninen koro peste. Ama, odova na ka pomožini amen koro amende te menina odova so valjani.

Ov razumno. Ako ko ogledalo dikhaja samo odova so na sviđini pe amenđe, amen šaj te obeshrabrina amen. Valjani te ova razumna đi čitinaja i Biblija hem te na očekujina amendar pobuter ando odova so o Jehova očekujini (Jak. 3:17).