Da li valjani te koristina o ikone hem o kipija – so phenela i Biblija?

Premali Katoličko novinsko agencija (Catholic News Service), ko 25. mart 2022. đi trajinđa i ceremonija ki bazilika ando Sveti Petar, o papa Franja terdilo anglo kip andi Marija „phanlja pe jaćha, teljarđa po šero hem molinđa pe“. Ov „molinđa e Marija“ aso mir. O Vatikansko novinsko izveštaj (Vatican News) pana phenela so „o papa molinđa pe e Marijaće, kaso vilo tano čisto, te oven posvetime sa o manuša, a posebno o narodo andi Rusija hem andi Ukrajina“.

So tu mislineja? Da li valjani te koristina o ikone hem o kipija hem te molina amen olenđe? Aće so phenela i Biblija:

• „Ma ćer tuće kip niti bilo so aver so dićhola sar odova soj tano upre ko nebo ili tele ki phuv ili ko pani. Ma klanin tut hem ma služin olenđe, sose me, o Jehova, to Devel, hijum Devel kova rodela te ove verno ko sa“ (Izlazak 20:4, 5).a

• „Olenge idolija tane ando srebro hem ando zlato kola o manuša ćerđe. Muj isi len, ama na vaćerena, jaćha isi len, ama na dikhena, kana isi len, ama na šunena, nak isi len, ama na mirišinena, vasta isi len, ama ništa na pipinena, pre isi len, ama na phirena, na mukhena po glaso ando korlo. Asavke ka oven o manuša kola ćerena len, a hem sa okola so uzdajinena pe upro lende“ (Psalam 115:4-8).

• „Me hijum o Jehova. Odova tano mo anav. Mi slava na ka dav nikase, ni i hvala koja pripadini maje na ka dav e rezbareno kipenđe“ (Isaija 42:8).

• „Našen ando idolopoklonstvo“ (1. Korinćanima 10:14).

• „Arakhen tumen ando idolija!“ (1. Jovanova 5:21).

Ako mangeja te đane pobuter ando odova so i Biblija vaćeri ando ikone hem kipija, čitin o članko „Gledište Biblije – Likovi“ ja dikh o video Da li o Devel mangela te koristina o ikone hem o kipija?

Isto ađahar, šaj pućeja tut so i Biblija vaćeri ando akala teme:

• „Šta Sveto Pismo kaže o Devici Mariji?“

• „Da li se treba moliti Bogorodici?“

• „Da li tane o čudija znak ando Devel?“ (ki englesko ćhib)

• „Kako će zavladati mir u svetu?“

Photo credit: Vincenzo Pinto/AFP via Getty Images