So mislineja andi budućnost?

SO PHENELA I BIBLIJA

„O Devel... ka kosel svako asvi kotar olenge jaćha hem na ka ovel više meribe, ni muke, ni rojbe, ni dukha. Sa so hine angleder nakhlja“ (Otkrivenje 21:3, 4, prevod Novi svet)

SO ODOVA TUĆE ZNAČINI

Ka ovel tut buti hem ka uživine ko odova so ćereja (Isaija 65:21-23)

Na ka ove nabormo hem na ka ovel tut muke (Isaija 25:8; 33:24)

Ka ovel tut bahtalo, večno đivdipe te porodicaja hem te amalencar (Psalam 37:11, 29)

DA LI ŠAJ ĆAĆE TE VERUJINE KO ODOVA SO PHENELA I BIBLIJA?

Ja, ando najhari duj razlogija:

• O Devel isi le moć te ispunini pe obećanja. Ki Biblija, o Devel, o Jehova tano vićimo „Svemoćno“, sose isi le neograničeno moć (Otkrivenje 15:3). Ole ništa našti te ćhinavi te ispunini po obećanje so ka menjini o sveto ko pošukar. Sar so i Biblija phenela: „E Devlese tano sa moguće“ (Matej 19:26).

• O Devel isi le želja te ispunini pe obećanja. Na primer, jedva ađićeri te irini ko đivdipe okolen kola mulje (Jov 14:14, 15).

  Ki Biblija pisini hem so e Devleso Ćhavo, o Isus, saćarđa e nabormen. Sose ćerđa odova? Odolese sose manglja te ćerel odova (Marko 1:40, 41). O Isus savršeno oponašinđa pe Dade ađahar so hem ov manglja te pomožini e manušenđe kola tane ko pharipa (Jovan 14:9).

  Odolese šaj te ova uverime so hem o Jehova hem o Isus mangena te pomožinen amen te ovel amen šuži budućnost (Psalam 72:12-14; 145:16; 2. Petrova 3:9).