ONLAJN BIBLIOTEKA Watchtower
ONLAJN BIBLIOTEKA
Watchtower
Romane (Srbija)
  • BIBLIJA
  • PUBLIKACIJE
  • SASTANKIJA
  • lfb priča 32 str. 80-str. 81 odl. 2
  • Jekh nevo vođa hem duj hrabra đuvlja

O video-sadržaj nane dostupno.

Žao amendže, alo dži ki greška dži phravdža pe o video.

  • Jekh nevo vođa hem duj hrabra đuvlja
  • Sikljov kotar priče andi Biblija
Sikljov kotar priče andi Biblija
lfb priča 32 str. 80-str. 81 odl. 2
O Varak vićini e Devora te avel oleja

32. PRIČA

Jekh nevo vođa hem duj hrabra đuvlja

O Isus Navin vodinđa e Jehovase narodo but berša hem mulo ked hine le 110 berš. Sa đi ov hine đivdo, o Izraelcija služinđe e Jehovase. Ama, palo oleso meribe, počminđe te služinen e idolenđe, sar so ćerđe o Hanancija. Odolese so o Izraelcija na šunđe e Jehova, ov mukhlja o hanansko kralj, kova vićinđa pe Javin, te ćerel lenđe but lošna buća. O manuša molinđe e Jehova te pomožini len hem ov šunđa olenge molitve hem dinđa len neve vođa, e Varake. Ov valjanđa te pomožini e narodose palem te služini e Jehovase.

Jekh dive, i proročica Devora vićinđa e Varake. Oj phenđa lese i poruka ando Jehova: „Le tuvaja 10 000 manuša hem ikljov angli Javinesi vojska ki reka Kison. Uduri ka pobedine e Sisara, e zapovedniko andi Javinesi vojska.“ O Varak phenđa e Devoraće: „Ka đav samo ako tu aveja mancar.“ Oj phenđa lese: „Ka avav. Ama, te đane na ka mudare tu e Sisara. O Jehova phenđa manđe so ka mudari le jekh đuvlji.“

I Devora đelji e Varakeja hem olese vojskaja ki planina Tavor te spreminen pe aso maribe. Ked o Sisara šunđa odova, ov ćedinđa pe manušen hem alo e kočijencar aso maribe ki dolina. I Devora phenđa e Varakese: „Avdije o Jehova ka pomožini tut te pobedine.“ O Varak hem olese 10 000 manuša huljilje andi planina te borinen pe e Sisarase vojskaja.

Tegani o Jehova ćerđa o pani andi reka Kison te poplavini i dolina. E Sisarase kočije batinđe ki ćik. Tegani o Sisara ikljilo andi pi kočija hem počminđa te našel. O Varak hem olesi vojska uspinđe te pobedinen e Sisarase vojska, ama o Sisara našlja. Ov garavđa pe ko jekha đuvljako šatori, koja vićinđa pe Jailja. Oj dinđa le te pijel thud hem ućharđa le ćebaja. Ov hine but umorno hem lelja le o sojbe. Tegani i Jailja pohari đelji uzo leste hem e klineja ando šatori mudarđa le.

O Varak hem i Devora hvalinena e Jehova đilaja

O Varak alo te rodel e Sisara. I Jailja ikljilji ando šatori hem phenđa: „Khuv andre. Ka mothovav tuće e manuše kas rodeja.“ Ked o Varak khuvđa andre, dikhlja so o Sisara mulo. Tegani, o Varak hem i Devora điljaja hvalinđe e Jehova sose pomožinđa e Izraelcenđe te pobedinen pe dušmanen. Palo odova, o Izraelcija hine len mir 40 berš.

„O đuvlja kola vaćerena i šukar vest tane bari vojska“ (Psalam 68:11)

Pućiba: Sar i Devora pomožinđa e Izraelcenđe? Sar i Jailja mothovđa soj tani hrabro?

Sudije 4:1 – 5:31

    Publikacije ki romani čhib (2016-2025)
    Odjava
    Prijava
    • Romane (Srbija)
    • Bićhal
    • Podešavanja
    • Copyright © 2025 Watch Tower Bible and Tract Society of Pennsylvania
    • Pravilija ando korišćenje
    • Pravilija ando lična podatkija
    • Pravilija andi privatnost
    • JW.ORG
    • Prijava
    Bićhal