1. LEKCIJA

Šukar uvod

Dela apostolska 17:22

SO TE ĆERE: Te uvodeja valjani te podstaknine e manušen te mangen te đanen pobuter, te naglasine i tema hem te pomožine e manušenđe te haljon sose tani odija tema važno olenđe.

SAR TE ĆERE ODOVA:

Podstaknin e manušen te mangen te đanen pobuter. Birin pućibe, iskustvo, vestija ja vaćer diso so šaj te ovel interesantno e manušenđe.

Angleder razmislin so o manuša mangena te đanen hem so brinini len hem premalo odova ćer to uvod.
Naglasin i tema. De sa tutar te šaj o manuša već ko početko ando to uvod te haljon i tema hem o cilj ando odova so vaćereja.
Mothov sose tani odija tema važno. Odova so vaćereja nek ovel korisno e manušenđe. On valjani te haljon sar šaj odova te pomožini lenđe.

Đi spremineja o govor, šaj te puće tut: „Save pharipa isi len o phralja hem o phenja ki mi skupština?“ Palo odova, ćer o uvod premalo odova so valjani lenđe.