Sikav prekalo primerija

Matej 13:34, 35

SO TE ĆERE: Koristin jednostavna primerija kola ka oven zanimljiva okolenđe so šunena tut hem prekalo kola šaj lokho te haljol pe i pouka.

SAR TE ĆERE ODOVA:

• Koristin jednostavna primerija. Ov sar o Isus, koristin o penđarutne buća kola šaj lokho te haljon pe te šaj te objasnine o pophare buća. Ma pomin disave detaljija sebepi kola e manušenđe ka ovel pharo te haljon o primer. Celo primer valjani te ovel povezimo odoleja so mangeja te sikave. Ako nane ađahar, tegani o detaljija kola nane povezime e poukaja, ka buninen e manušen.

• Razmislin e manušendar. Birin primerija kola tane penđarutne e manušenđe. Pazin odole primerencar te na uvredine len hem te na ćhive len ki nezgodno situacija.

• Naglasin i glavno misao. Koristin primerija kola objasninena o glavna mislija, a na o detaljija kola nane važna. Nek ovel tut cilj o manuša te pamtinen i pouka ando primer, a na samo o primer.