53. LEKCIJA
Mudro birin ti zabava
O Jehova tano „bahtalo Devel“ (1. Timoteju 1:11). Ov mangela te ova bahtale hem te uživina ko životi. Ov tano bahtalo ked laja vreme hari te odmorina amen. Ki akija lekcija, ka dikha sar šaj te koristina amaro slobodno vreme hem sar te birina i zabava ki koja ka uživina hem koja ka ćerel e Jehova bahtalo.
1. Sostar valjani te razmislina ked birinaja i zabava?
So tu mangeja te ćere ked odmorineja tut? Disave mangena te bešen pese ćhere hem te čitinen disavi knjiga, te šunen muzika, te dikhen disavo film ja diso aver ko internet. Avera mangena te oven pe amalencar hem te đan ki priroda, te plivinen, ja te ćhelen fudbal. Savi god zabava te birine važno tano te đane da li odija zabava tani „šukar anglo Gospodese jaćha“ (Efešanima 5:10). Odova tano važno sose ko but buća kola avdije o manuša dikhena, šunena ja ćerena isi odova so o Jehova mrzini, sar soj tano nasilje, nemoral hem okultizam. (Čitinen Psalam 11:5.) So šaj te pomožini amen mudro te birina i zabava?
Ako birinaja amalen kola mangena e Jehova, on šukar ka utičinen upro amende hem ka pomožinen amen te birina šukar zabava. Sar so dikhljam ki 48. lekcija, „ko družini pe e mudro manušencar ka ovel mudro.“ Ki aver strana, ako družinaja amen e manušencar kola na mangena e Devlese zakonija „lošno ka nakha“ (Poslovice 13:20).
2. Sose tano važno te pazina kobor vreme đala amenđe ki zabava?
Čak iako amari zabava tani šukar, valjani te pazina kobor vreme đala amenđe ki zabava, sose šaj na ka ovel amen dovoljno vreme aso považna buća. E Devleso Lafi phenela amenđe: „Mudro koristinen tumaro vreme.“ (Čitinen Efešanima 5:15, 16.)
SIKLJOV POBUTER
Sikljov so šaj te pomožini tut te birine i zabava koja tani šukar.
3. Cide tut andi lošno zabava
Sose valjani mudro te birina amari zabava? Dikhen o VIDEO, hem palo odova vaćeren ando akala pućiba:
Sova avdije šaj te uporedina o gladijatorska igre?
So o Deni sikljilo kotar zabava?
Čitinen Rimljanima 12:9, hem palo odova vaćeren ando akava pućibe:
Sar šaj akava stih te pomožini amen te birina i zabava koja tani šukar?
Kola buća o Jehova mrzini? Čitinen Poslovice 6:16, 17 hem Galatima 5:19-21. Palo odova so ka čitinen akala stihija, vaćeren ando akava pućibe:
Da li ki avdisutni zabava isi disave buća kola pominena pe ko akala stihija?
So šaj te pomožini tut mudro te birine ti zabava?
Puć tut:
So? Da li ki odija zabava isi diso so o Jehova mrzini?
Ked? Da li odija zabava ka lel mo vreme ando považna buća?
Kasa? Da li redovno ka družinav man okolencar kola na mangena e Jehova?
Nane bezbedno te vozina ki ivica ando drumo. Sar so valjani te cida amen andi ivica kotar drumo, ađahar valjani te cida amen andi zabava koja šaj lošno te utičini upro amende
4. Mudro koristin to vreme
Dikhen o VIDEO, hem palo odova vaćeren ando akava pućibe:
O phral ando video na dikhlja ništa lošno. Ama, kova problemi ov hine le?
Čitinen Filipljanima 1:10, hem palo odova vaćeren ando akava pućibe:
Sar šaj akava stih te pomožini amen te odlučina kobor vreme ka đal amenđe ki zabava?
5. Birin i zabava koja tani šukar
Nane svako zabava šukar anglo Devlese jaćha. Ama, isi but buća ko kola šaj te uživina. Čitinen Propovednik 8:15 hem Filipljanima 4:8, hem palo odova vaćeren ando akava pućibe:
Kola buća tu mangeja te ćere?
Isi but buća ko kola šaj te uživine
AKO NEKO PHENELA: „Nane ništa lošno ako dikhava nasilje, nemoral hem okultizam, sose ništa kotar odova na ćerava.“
So bi tu pheneja ko odova?
SO SIKLJILJAM
O Jehova mangela te birina hem te uživina ki šukar zabava.
Te ponovina
Andi koja zabava o prava hrišćanija valjani te ciden pe?
Sose valjani te pazina kobor vreme đala amenđe ki zabava?
Sose tu mangeja te birine i zabava koja ka ćerel e Jehova bahtalo?
RODE POBUTER
Ko valjani te birini ti zabava?
Sar šaj mudro te birine ti zabava?
„Da li tani ti zabava šukar?“ (Stražarska kula, 15. oktobar 2011)
Ko iskustvo „Više na dikhljum koj tano ko“, čitin sose jekh manuš menjinđa pi zabava.
„I Biblija pomožini e manušenđe te menjinen po životi“ (Stražarska kula, 1. februar 2010)
Dikh sar jekh daj birini pese šukar zabava.