54. LEKCIJA
Koj tano o „verno hem o razborito robo“ hem so ov ćerela?
O Isus Hrist tano poglavari andi skupština (Efešanima 5:23). Avdije, o Isus kotar nebo vodini pe slugen prekalo „verno hem razborito robo.“ (Čitinen Matej 24:45.) O Isus ćhivđa odole robe hem dinđa le pravo te anel disave odluke. Ama, odova robo šunela e Isuse hem pomožini e Isusese phralenđe. Koj tano odova robo? Sar ov brinini pe amendar?
1. Koj tano „o verno hem o razborito robo“?
O Jehova uvek dinđa uputstvija pe narodose prekalo disavo manuš ja prekali disavi tikni grupa ando manuša (Malahija 2:7; Jevrejima 1:1). Palo Isuseso meribe, o apostolija hem avera starešine ko Jerusalim predvodinđe i hrišćansko skupština (Dela apostolska 15:2). Sar tegani, hem avdije, jekh tikni grupa ando starešine – o Vodeće telo ando Jehovase svedokija – dela amen duhovno hrana hem organizujinena o propovedibe. Odija grupa tani „o verno hem o razborito robo kas o [Isus] ćhivđa“ (Matej 24:45a). Sa okola soj tane ko Vodeće telo tane pomazime e sveto duhoja. Palo meribe, on ka dobinen pi nebesko nagrada hem ka vladinen e Isuseja ko nebo.
2. Sar o verno hem o razborito robo dela amen duhovno hrana?
O Isus phenđa so o verno robo ka „del e [hrišćanenđe] hrana ko pravo vreme“ (Matej 24:45b). Sar so o maro pomožini amen te ova zorale hem saste, ađahar hem i duhovno hrana, i pouka ando Devleso Lafi, dela amen snaga te aćhova verna e Jehovase hem te ćera o zadatko kova dinđa amen o Isus Hrist (1. Timoteju 4:6). Odija duhovno hrana amen dobinaja prekalo sastankija, kongresija, amare publikacije hem videa kola pomožinena amen te đana so o Devel mangela hem te zorjaćera amaro amalipe oleja.
SIKLJOV POBUTER
Dikh sose valjani amenđe „o verno hem o razborito robo“ – o Vodeće telo.
O Vodeće telo dela amen duhovno hrana, uputstvija hem pomožini e phralenđe hem e phenjenđe ko celo sveto
3. E Jehovaso narodo mora te ovel organizujimo
O Isus pomožini e phralenđe ko Vodeće telo te organizujinen o propovedibe ko celo sveto. Diso ađahar hine hem ko prvo veko. Dikhen o VIDEO.
Čitinen 1. Korinćanima 14:33, 40, hem palo odova vaćeren ando akava pućibe:
Sar akala stihija mothovena so o Jehova mangela olese sluge te oven organizujime?
4. O verno hem o razborito robo organizujini o propovedibe
E hrišćanenđe ko prvo veko najvažno hine te propovedinen i šukar vest. Čitinen Dela apostolska 8:14, 25, hem palo odova vaćeren ando akala pućiba:
Ko organizujinđa o propovedibe ko prvo veko?
Sar o Petar hem o Jovan reagujinđe ked dobinđe uputstvija ando avera apostolija?
O propovedibe tano najvažno zadatko kova organizujini o Vodeće telo. Dikhen o VIDEO.
O Isus vaćerđa kobor tano važno te propovedina. Čitinen Marko 13:10, hem palo odova vaćeren ando akala pućiba:
Sose e phralenđe ko Vodeće telo o propovedibe tano odobor važno?
Sose valjani o „verno hem o razborito robo“ te organizujini o propovedibe ko celo sveto?
5. O verno hem o razborito robo dela amen uputstvija
O Vodeće telo dela uputstvija e phralenđe hem e phenjenđe ko celo sveto. Ama, sar đanena kola uputstvija te den? Te dikha sar odova ćerđa o vodeće telo ko prvo veko. Čitinen Dela apostolska 15:1, 2, hem palo odova vaćeren ando akala pućiba:
Kova problemi hine len o hrišćanija ko prvo veko?
Kas o Pavle, o Varnava hem avera hrišćanija pućlje sar te rešini pe odova problemi?
Čitinen Dela apostolska 15:12-18, 23-29, hem palo odova vaćeren ando akava pućibe:
Angleder te anen i odluka, sar o vodeće telo ko prvo veko đanđa sar o Jehova dikhela ko odova problemi? (Dikhen o 12, 15. hem o 28. stih)
Čitinen Dela apostolska 15:30, 31 hem 16:4, 5, hem palo odova vaćeren ando akala pućiba:
Sar o hrišćanija ko prvo veko reagujinđe ked o vodeće telo dinđa len smernice?
Sar o Jehova blagoslovinđa len sose hine poslušna?
Čitinen 2. Timoteju 3:16 hem Jakovljeva 1:5, hem palo odova vaćeren ando akava pućibe:
Sar o Vodeće telo avdije anela odluke?
AKO NEKO PHENELA: „Ako šunena odova so sikavi tumen o Vodeće telo, tumen u stvari šunena e manušen.“
So tut uverini so o Isus vodini o Vodeće telo?
SO SIKLJILJAM
O Vodeće telo tano „o verno hem o razborito robo“ kas o Isus ćhivđa. Ov ko celo sveto e phralenđe hem e phenjenđe dela uputstvija hem duhovno hrana.
Te ponovina
Ko ćhivđa „e verno hem e razborito robe?“
Sar o Vodeće telo brinini pe amendar?
Da li verujineja so o Vodeće telo tano „o verno hem o razborito robo?“
RODE POBUTER
Čitin sar tano o Vodeće telo organizujimo.
„Soj tano o Vodeće telo ando Jehovase svedokija?“ (članko ko amaro sajt)
So ćerela o Vodeće telo te šaj odova so pisini ko amare publikacije te ovel tačno?
Sar đanaja so odova so pisini ko amare publikacije tano tačno? (17:18)
Sar o Vodeće telo dikhela ko zadatko kova o Isus dinđa le?
Sar o sastankija hem o kongresija mothovena so o Jehova vodini o Vodeće telo?