Ov phravdo

So o Isus ćerđa?

VIDEO: O Isus dela savet e terne barvale ćhavese

1. Dikh o VIDEO ja čitin Marko 10:17-22. Palo odova, razmislin ando akala pućiba:

1. a. Kola šukar osobine o Isus šaj dikhlja ko akava ćhavo?

2. b. Sose e Isusese valjanđa mangipe hem hrabrost te šaj te del le savet?

So sikljovaja ando Isus?

2. Amen valjani te mothova mangipe e manušenđe kolencar proučinaja, ama hem phravdo te phena lenđe so valjani te ćeren te šaj te napredujinen.

Oponašin e Isuse

3. Pomožin e osobaće kolaja proučineja te ćhivel pese ciljija hem te ispunini len.

1. a. Koristin o deo „Ćhiv tuće cilj“ kotar svako lekcija ki knjiga Ov bahtalo zauvek!

2. b. Pomožin e osobaće te haljol so valjani te ćerel te šaj te ispunini pe ciljija, bilo te oven bare ili tikne.

3. c. Redovno pohvalin la aso olako napredak.

4. Razmislin so sprečini e osoba te napredujini hem pomožin la ko odova.

1. a. Puć tut:

   • So sprečini e osoba te napredujini đi o krštenje?

   • So šaj te ćerav te pomožinav la?

2. b. Molin tut te ove hrabro te šaj phravdo hem ljubazno te vaćere e osobaja ando odova so valjani te ćerel.

5. Ćhinav o kurs ako i osoba na napredujini.

1. a. Te šaj te dikhe da li valjani hem ponodri te proučine disave osobaja, puć tut:

   • Da li i osoba primenini odova so sikljola?

   • Da li avela ko sastankija hem da li vaćeri averencar ando ćaćipe?

   • Ako već disavo vreme proučini, da li mangela te ovel e Jehovaso svedoko?

2. b. Ako i osoba kolaja proučineja nane la želja te napredujini:

   • Podstaknin la te razmislini so ćhinavi la te napredujini.

   • Ljubazno objasnin laće sose ćhinaveja te proučine olaja.

   • Phen laće so valjani te ćerel ako mangela palem te proučini.