HRIŠĆANSKO DŽIVDIPE
Čer pošukar ti služba — sikav e manuše kasa sikljoveja andi Biblija sar te spreminipe ked isilje kurs
SOSE TANO ODOVA VAŽNO. Ked o manuša kasa sikljova andi Biblija spreminenape, pokolaj šaj te haljoven hem te ičeren ki godi odova so sikljilje. So pošukar haljona o materijali hem so pobuter ičerena ki godi, tegani posigate ka džan anglal. Palo odova so ka krstinenpe, on hem ponodri ka valjani te spreminenpe e službače hem e sastankondže te šaj te ačhon duhovno džangavde (Mt 25:13). Odoljese, ked džanena sar te sikljoven andi Biblija hem ked isiljen šukar tabijatija te sikljon, odova ka pomožiniljen ko celo oljengo dživdipe. Kotar početko amen valjani te pomožina e manušendže te oveljen tabijati te spreminenpe ked isiljen biblijako kurs.
SAR TE ČERE ODOVA
Mothov šukar primer (Ri 2:21). Spremin svako kurs kova isitu. Dži čereja odova razmislin ando manuš kasa sikljoveja andi Biblija (km-SBO 11/15 3). Mothov oljese ti publikacija sar tu spremijantu.
Ohrabrinlje te spreminipe. Ked o kurs tano redovno, vačer so i priprema tani deo ando kurs hem soj tano šukar oljese te spreminipe. Isto adžahar, vačer oljese so šaj te čerel te ovelje vakti te spreminipe. Disave objaviteljija dži trajini o kurs, dena e manušese piklji publikacija te šaj te dikhel kobor tano šukar te ovel spremimo. Pohvaljin e manuše ked dikheja so spremisalo.
Mothov sar te spreminipe. Disave dikhlje soj tano šukar pana ko početko te odvinen jekh celo kurs te šaj te mothoven e manušese sar šaj te spremini jekh lekcija.