Iako i Pasha na mothodža soj tani isto sar o Dive ked setinamen ko Isuseso meribe, disave buča so hine ki Pasha šaj te značinen amendže. Na primer, o apostol Pavle pheja soj tano o Isus „amari pashalno žrtva“ (1Ko 5:7). Sar so e bakreso rat, kova hine makhlo ko udarengo rami, arakhlja e Izraelcengo dživdipe, isto adžahar e Isuseso rat arakhi amaro dživdipe (2Moj 12:12, 13). Ki Pasha na valjandža nijekh kokalo ando bakro te ovel phago. Adžahar hem e Isusese nijekh kokalo na hine phago, iako ko odova vakti hine adeti te čerelpe odova te šaj džiko te merel (2Moj 12:36; Jv 19:31-33, 36).