Setinen tumen ki Lotesi romni

Sose e Lotesi romni dži našlja ando Sodom irasalji te dikhel palal? I Biblija na vačeri sose čerdža odova (1Moj 19:17, 26). E Isusese lafija mothovena so oj šaj but manglja odola buča kola ačhadža palo peste (Lu 17:31, 32). Sebepi odova e Lotesi romni našaldža po amaljipe e Jehova. Sar šaj te na ova sar olate? Amen na valjani te muka o materijalna buča te oven ko jekhto than ko amaro dživdipe (Mt 6:33). O Isus pheja: „Našti te služinen e Devljese hem e barvaljipase“ (Mt 6:24). Ama, so ako amen dikha so o materijalna buča hari po hari ljena amaro vakti kova valjani te da e Jehovase? Amen šaj te moljinamen e Jehovase te delmen godi te dikha kuri valjani te čera promene hem te delmen zoraljipe te šaj te čera odova.

DIKH O SOTRIN KOTORA ANDO FILM SETITE SE LOTOVE ŽENE HEM PALO ODOVA ODGOVORIN KO AKALA PUČIBA:

• 

  Sar odova so avera čhidžela te zaradini pobuter pare utičija upri Glorijaki godi, ko olako vačeribe hem ko odova so čerdža?

• So šaj avdije te sikljova kotar Lotesi romni?

• Sar odova so ičerdžepe ko biblijake savetija pomožija e Džoese hem oljese familjijače?

• Sar e Anake amala andi buti utičije upro olako amaljipe e Jehova?

• Sose valjani te ova zoralje ked avera čhivenamen te oven amendže o pare ko jekhto than ko amaro dživdipe?

• Sar o Brajan hem i Glorija palje čhidže o duhovna buča ko jekhto than ko poklo dživdipe?

• Kola biblijake savetija dikhljan ko akava film?