Čer pošukar ti služba – Ov prilagodljivo

SOSE TANO ODOVA VAŽNO: O pomazanikija hem o avera bakre vičinena sa e manušen te ljen „biparengo o pani kova dela dživdipe“ (Ot 22:17). Akava simbolično pani predstavini sa so čerdža o Jehova te bi oslobodini e poslušno manušen ando greh hem meribe. Te šaj te pomožina e manušendže kola isi ljen razna običaja hem verovanja, valjani te vačera „o večno šukar haberi“ ko način kova ka ovel privlačno svakone manušese (Ot 14:6).

SAR TE ČERE ODOVA

• Birin i tema hem o stih koljeja ka rese dži e manušengo vilo ko toklo tereni. Šaj te birine jednostavno uvod ja diso so već uspešno koristindžan. Kola teme hem stihija tane zanimljiva e manušendže? Da li isi dijekh nevi vest andi koja vačerena o manuša? Sostar šaj te vačere jekhe romeja, a sostar jekha romnjaja?

• Pozdravin e manušen adžahar sar so čerela pe ko than kaj živineja hem nek ovel tut ki godi oljenge običaja (2Ko 6:3, 4)

• Pendžar šukar o publikacije hem o filmija kotar amare glavna publikacije e službače te šaj te koristine ljen ked vačereja okoljencar kola mangena pobuter te džanen

• Huljav o publikacije hem o filmija ki čhib koja vačerena o manuša ko toklo tereni

• Vačer andi tema koja zanimini e stanare (1Ko 9:19-23). Na primer, so šaj te vačere ako haljiljan so akana sigate mulo ljestar neko?

DIKH O KRATKO FILM HEM PALO ODOVA ODGOVORIN KO AKALA PUČIBA:

• Sostar o objavitelji počmindža te vačeri e stanareja?

• So desindža pe e stanarese?

• Kova stih hine najšukar ki akija situacija hem sose?

• So čereja te šaj te prilagodine to uvod e manušendže ko toklo tereni?