So šaj te sikljova ando savremena džilja?

Kola tane te omiljena savremena džilja hem sose? Da li dikheja sar on mothovena odova so desini pe ko amaro dživdipe? Odolese so isi len različita teme hem muzička stilija, svako šaj te arakhi diso so sviđini pe lese. Ama, o savremena džilja hem o video-klipija nane čerde samo te zabavinen amen.

Kotar svako savremeno džili šaj te sikljova diso praktično so šaj te primenina ko amaro dživdipe sar hrišćanja hem ki služba. Disave džilja vačerena kotar gostoljubivost, jekhipe, amalipe, hrabrost, mangipe hem andi vera. A avera podstakninena amen te irina amen ko Jehova, te oprostina, svako dive te mothova so hijam verna hem ko razna načinja te služina e Jehovase. Čak isi amen hem savremeno džili koja vačeri odolestar te pazina kobor koristinaja o telefoni. Da li ko amare savremena džilja arakhljan pana diso so šaj te primenine?

DIKH O VIDEO-KLIP SAMO ŠTO NIJE HEM PALO ODOVA ODGOVORIN KO AKALA PUČIBA:

• Ando kova budućo blagoslov razmislinena o rom hem i romni kola tane ko berša? (Pst 12:3)

• Sar zorjačeraja amari vera ko odova so o Jehova šaj te ispunini pe obećanja?

• Kova radosno događaj ka ovel pana hari?

• Sar i nada ko Kraljevstvo pomožini amen te istrajina ko problemija kola isi amen akana? (Ri 8:25)