Posebno akcija ko novembar – vaćer ando e Devleso Kraljevstvo sarinenđe

O Isus propovedinđa „i šukar vest ando e Devleso Kraljevstvo“ (Lu 4:43). Isto ađahar, ov sikavđa e manušen te molinen pe aso odova Kraljevstvo (Mt 6:9, 10). Ko novembar, amen ka da sa amendar te vaćera e manušenđe ando e Devleso Kraljevstvo (Mt 24:14). Ćer tuće raspored te šaj so pobuter te učestvujine ki akija akcija. Sa okola kola akava masek ka služinen sar pomoćna pionirija šaj te ispuninen 30 ja 50 satija.

So pobuter manušenđe ko to tereni čitin jekh stiho kova vaćeri ando e Devleso Kraljevstvo. Ked birineja o stiho, razmislin ko so verujinena o manuša ko to tereni. Ako neko kasa prvo puti vaćerđan tano zainteresirimo, tegani de le o primerak andi Stražarsko kula asi javnost br. 2/2020. Palo odova, trudin tut so posig te posetine odole osoba hem pokušin oleja te počmine e biblijako kurs ađahar so ka koristine jekh ando amare glavna pubikacije e službaće. Pana hari, e Devleso Kraljevstvo ka uništini sa o vladavine kola suprotstavinena pe olese (Da 2:44; 1Ko 15:24, 25). Odolese, hajde te da sa amendar te učestvujina ki akija posebno akcija kuri ka mothova so hijam verna e Jehovase hem olese Kraljevstvose.