HRIŠĆANSKO ĐIVDIPE
Ov spremno đi avela o kraj ando „poslednja dive“
Đi istrajinaja ko krajo ando akala „poslednja dive“, amen očekujinaja sa pobuter nevolje (2Ti 3:1; Mt 24:8). Ked ovela dijekh katastrofa, e Jehovaso narodo uvek dobini uputstvija ko pravo vreme kola šaj te spasinen olengo životi. Amaro životi tegani šaj te zavisini ando odova kobor hijam već avdije poslušna, ko odova te ova paše e Jehovaja hem da li isi amen spremime o buća kola valjanena amenđe (Lu 16:10).
Ov paše e Jehovaja: Razvijin šukar navike. Sikljov te propovedine ko različita načinija. Ma paničin ako hijan privremeno odvojimo ando avera kotar ti skupština (Is 30:15). O Jehova hem o Isus niked na ka mukhen tut (od-SBO 176 ¶15-17)
Spremin o buća kola valjanena tuće: Uzo rancija, svako ćher valjani te ovel le dovoljno hrana, pani, lekija hem slična buća ako valjani te našen ko nesavo than kaj ka oven nesavo vreme (Psl 22:3; g17.5-SBO 4, 6)
DIKH O KRATKO VIDEO DA LI HIJAN SPREMNO ASI PRIRODNO KATASTROFA? HEM PALO ODOVA ODGOVORIN KO AKALA PUĆIBA:
Sose tano važno te ova paše e Jehovaja ako mangaja te ova spremna asi disavi katastrofa?
Sose valjani...
te ovel amen šukar komunikacija e starešinencar?
te ovel spremno amaro ranco?
te vaćera ando odova kola prirodna katastrofe šaj te desinen pe hem so tegani valjani te ćera?
Ko kola trin načinija šaj te pomožina averenđe ked doživinena prirodno katastrofa?
PUĆ KOKRI TUT: „Ko period andi pandemija COVID-19, so sikljiljum ando odova kobor tano važno te ovav pripremimo asi disavi nevolja?“