DE TUTAR SA KI SLUŽBA | OV PORADOSNO KI SLUŽBA
Trudin tut te rese đi e manušeso vilo
I poslušnost e Jehovase avela ando vilo (Psl 3:1). Odolese, ked sikavaja e manušen, valjani te da sa amendar te resa đi olengo vilo. Sar?
Amen na sikavaja len samo ando e biblijake ćaćipa, već pomožinaja len te haljon sar odova so sikljona šaj te utičini ko olengo životi hem ko olengo amalipe e Jehovaja. Pomožin lese te haljol sar e biblijake načelija mothovena e Devleso mangipe, oleso šukaripe hem olesi pravda. Postavin lese pućiba kola ka pomožinen lese te haljol so ov mislini odolestar so sikljola. Pomožin lese te haljol kobor oleso životi ka ovel pošukar ako promenini o način sar razmislini ja ako cidela pestar disave lošna navike. Ked dikheja so o manuš kasa proučineja mangela e Jehova, tu ka ove pana poradosno.
DIKH O VIDEO OV RADOSNO ĐI ĆEREJA UČENIKONEN – ĆER POŠUKAR TI SLUŽBA – TRUDIN TUT TE RESE ĐI E MANUŠESO VILO HEM PALO ODOVA ODGOVORIN KO AKALA PUĆIBA:
Sose i Nita pućlja e Džejda: „Da li razmislinđan ando odova so vaćerđam ko ponedeljak?“
Sar i Nita pomožinđa e Džejdaće te haljol so e biblijake načelija mothovena so o Jehova mangela la?
Ako daja sa amendar te resa đi o vilo ando okola kasa proučinaja, odova ka podstaknini len te oven pana popaše e Jehovaja
Sar i Nita pomožinđa e Džejdaće te razmislini ando odova sar šaj oj te mothovi so mangela e Devle?