Predlogija sar te oven pošukar o sastankija asi služba

Prekalo sastankija asi služba, hem avera sastankija kola isi amen, o Jehova podstaknini amen te mothova mangipe hem te ćera šukar delija (Jev 10:24, 25). O sastanko asi služba valjani te trajini panđ đi o efta minutija. Aso odova vreme valjani te organizujini pe ko kasa ka propovedini, ko kova područje hem ko krajo o sastanko te završini pe molitvaja. (Ako o sastanko asi služba ka ićeri pe palo aver sastanko, tegani valjani te trajini pana pohari.) O phral kova ka ićeri o sastank, valjani te spremini diso so ka ovel praktično sarinenđe odova dive ki služba. Na primer, šaj but phralja hem phenja kola tane ko sastanko asi služba na hine len prilika prekalo kurko te oven ki služba. Odolese šaj te ovel praktično ako vaćeri pe ando disavo uvod asi služba. So pana šaj te ovel korisno te razmotrini pe ko sastanko asi služba?

• O predlogija aso razgovor ki Radno sveska

• Sar te koristina odova so trenutno desini pe ili dijekh novost te počmina o razgovor

• Sar te odgovorina ko prigovor kova o manuša često vaćerena ko područje

• Sar te odgovorina nekase ko na verujini ko Devel, verujini ki evolucija vaćeri aver ćhib ili tano ki religija koja nane odobor penđardi ko amaro područje

• Sar te koristina odova so isi amen ko sajt jw.org, ki aplikacija JW Library^® hem ki Biblija

• Sar te koristina jekh ando amare glavna publikacije asi služba

• Sar te propovedina prekalo telefoni, te pisina lila, javno te svedočina, te ćera o naknadna posete hem te vodina e biblijake kursija

• Te podsetinen pe o phralja te oven oprezna, prilagodljiva, pozitivna, te ponašinen pe šukar hem avera slična buća

• Razmotrin dijekh lekcija ili mukh jekh video andi brošura Sikljov pošukar te čitine hem te sikave

• Sar te ohrabrine hem te pomožine e phrale ili e phenja kasa hijan ki služba

• Čitin dijekh stih kova šaj te ovel korisno asi služba ili vaćer dijekh ohrabrujućo iskustvo kotar služba