Posebno akcija ko septembar – počmin nekasa te proučine i Biblija

Ko septembar, ka koristina i brošura Ov bahtalo zauvek! hem svakonese ka nudina e biblijako kurs. Okola so ka oven pomoćna pionirija ko odova masek šaj te oven hem 30 satija ki služba. Sar šaj amen te učestvujina ki akija posebno akcija?

• Ked prvo puti vaćereja e manušeja: Koristin i zadnjo strana andi brošura te podstaknine e manuše te mangel te đanel pobuter hem ako šaj mothov sar šaj te proučini i Biblija. Ma bistri okolen kas angleder posetinđan. Čak iako angleder na manglje te proučinen, akana šaj ka sviđini pe lenđe i nevi brošura hem o nevo način sar proučinaja i Biblija. Ako neko nane ćhere, na valjani te aćhava i brošura. Isto ađahar, na valjani te bićhala la ako neko na mothovđa zanimanje. O Službeno odbor andi skupština šaj te organizujini pana disave sastankija asi služba ko odova masek.

• So šaj pana te ćera: Ako ti skupština koristini kolica asi služba, ćhiv i brošura Ov bahtalo zauvek! Ako neko mangela te lel i brošura, objasnin so šaj hem besplatno te proučini i Biblija. Đi vaćerena, kratko mothov e manušese sar šaj te proučini ja dogovorin tut aso aver puti. O nadglednik andi služba šaj te organizujini o iskusna objaviteljija te ćeren o poslovno područje hem te nudinen e biblijako kurs. Isto ađahar, šaj te nudine e biblijako kurs okolenđe kasa ćereja buti ja e manušenđe kas reseja.

O Isus zapovedinđa amenđe te ćera učenikonen hem te sikava len (Mt 28:19, 20). Nek akija posebno akcija pomožini amen te ispunina odova cilj ađahar so ka koristina i brošura Ov bahtalo zauvek!