Arakh to poverenje ko Jehova ked nane tut

Sare amen isi amen problemija ko akala poslednja dive hem sar o krajo tano sa popaše, ka oven amen pana pobuter. Podijekh puti šaj na ka oven amen disave buća kola valjanena amenđe aso životi (Avk 3:16-18). So ka pomožini amenđe te istrajina ked na ka ovel amen? Valjani te ovel amen poverenje ko Jehova. Ov dinđa lafi so ka brinini pe pekle slugenđe hem so ka del len sa so valjani lenđe (Ps 37:18, 19; Jev 13:5, 6).

So šaj te ćere?

• Rode savet ando Jehova, molin le te del tut mudrost hem te pomožini tut (Ps 62:8).

• Ov spremno te ćere buti koja angleder na ćerđan (g-SBO 1/10 8-9, okvirija).

• De sa tutar svako dive te čitine e Devleso Lafi, te đa redovno ko sastankija hem ki služba.

DIKH O VIDEO GRADIN O ĆHER KOVA KA TRAJINI – OV ZADOVOLJNO ODOLEJA SO ISI TUT, HEM PALO ODOVA ODGOVORIN KO AKALA PUĆIBA:

• Save problemija hine len disave porodice?

• Soj tano najvažno ko životi?

• Sar šaj te pomožina okolenđe kola nane len?