Ćhiv tuće ciljija aso period andi Spomen-svečanost

Svako berš, e Jehovaso narodo jedva ađićeri te ovel i Spomen-svečanost. Nekobor kurće angleder hem pali Spomen-svečanost isi amen posebno prilika te hvalina e Jehova hem te mothova so hijam zahvalna asi otkupnina (Ef 1:3, 7). Na primer, ko odova period daja sa amendar te vićina e manušen ki Spomen-svečanost. Disave phralja hem phenja ćerena pese plan te šaj ko masekija mart hem april te služinen sar pomoćna pionirija. On šaj te birinen te oven 30 ja 50 satija ki služba. Da li hem tu mangeja te đa pobuter ki služba ko odova period? Sar šaj te ćere odova?

But putija, ako ćeraja amenđe plan šaj te uspina ko but buća (Psl 21:5). Odolese soj tano paše o period andi Spomen-svečanost, akana tano vreme te ćera amenđe plan. Razmislin sar šaj pana pobuter te barjare ti služba ko odova period hem so šaj te ćere te ispunine odova cilj. Palo odova, molin e Jehova te blagoslovini to trud (1Jv 5:14, 15).

Sar šaj pana pobuter te barjare ti služba ko period andi Spomen-svečanost?