Sar šaj te pomožinen amen o unakrsna reference?

O unakrsna reference ando prevod Novi svet mothovena sar tane povezime različita delovija andi Biblija. On usmerinena amen ko avera stihija kola vaćerena andi isto tema ko kola isi pobuter informacije. Te šaj te arakhe o unakrsna reference, najangleder rode o tikno slovo kova tano uzo lafi. Ako koristineja i Biblija ko štampimo oblik, rode o isto slovo ki sredina. Ko sajt ili ki aplikacija JW Library^®, kliknin ko slovo uzo lafi te šaj te dikhe o unakrsna stihija.

O unakrsna reference šaj te usmerinen tut ki jekh andi akija buti ja ko diso aver:

Paralelna izveštaija: O unakrsna reference šaj te legaren tut ko jekh izveštaj ando isto događaj ki aver biblijaki knjiga. Na primer, dikh i 2. Samuilova 24:1 hem i 1. Letopisa 21:1.

Citatija: O unakrsna stihija mothovena kotar tane lende disave izrazija. Na primer, dikh o Matej 4:4 hem o Ponovljeni zakoni 8:3.

Ispunime proročanstvija: O unakrsna reference povezinena o proročanstvo hem oleso ispunjenje. Na primer, dikh o Matej 21:5 hem o Zaharija 9:9.