O naučnikija phenena so o kraj tano but paše – So i Biblija phenela?

Ko 24. januar 2023. berš, o naučnikija ćhivđe o kazaljke ko Sat ando sudnjo divea te oven pana popaše uzo 12, so simbolično mothovi so o kraj ando sveto tano but paše.

• „O kazaljke ko Sat ando sudnjo dive simbolično mothovena so o manuša šaj te uništinen kokri pes. Sebepi o maribe ki Ukrajina, sebepi i dar ando nuklearno maribe hem o klimatska promene, ko utorak o naučnikija ćhivđe o kazaljke te oven pana popaše ko 12“ (AFP International Text Wire).

• „Ko utorak o naučnikija mothovđe so o kazaljke ko Sat ando sudnjo dive akana tane ko jekh tekvaš minuti angleder o 12. O uništenje niked na hine odobor paše sar akana“ (ABC News).

• „O naučnikija upozorinena so o manuša niked na hine odobor paše te uništinen kokri pes sar akana“ (Gardijan).

Da li o manuša hem amari phuv pana hari ka oven uništime? Da li valjani te dara andi budućnost? So i Biblija phenela?

So anela amenđe i budućnost?

I Biblija phenela so „i phuv aćhola zauvek“ hem so o manuša „zauvek ka živinen upro late“ (Propovednik 1:4; Psalam 37:29). O manuša na ka uništinen i phuv hem na ka ćeren oj te ovel than kuri našti te živini pe.

Ama, i Biblija vaćeri ando kraj. Na primer, oj phenela so „o sveto nakhela“ (1. Jovanova 2:17).

• Ako mangeja te đane so i Biblija vaćeri ando kraj, čitin o članko „Da li se ovaj svet bliži kraju? Šta je apokalipsa?“

• Isto ađahar, ako mangeja te đane so i Biblija vaćeri odolestar da li tano o krajo paše, čitin o članko „Kada će doći kraj sveta?“

Ov sigurno so ađićeri amen pošukar vreme

I Biblija pomožini amen te na našala amari nada iako ko sveto isi but problemija. Sar?

• I Biblija dela amen mudra savetija (2. Timoteju 3:16, 17). Na primer, čitin o članko „Kako brige držati pod kontrolom?“ hem dikh sar i Biblija šaj te pomožini tut ked isi tut but brige.

• I Biblija dela amen but šuži nada asi budućnost (Rimljanima 15:4). Oj vaćeri ando događaija kola avdije ovena hem mothovi so ka ovel ki budućnost. Ked sa odova đanaja, odova pomožini amen te na brinina amen but iako avdije desinena pe but lošna buća.

Ako mangeja e biblijake savetija hem tuće te pomožinen, vićinaja tut besplatno te proučine i Biblija.