Sose o manuša našti te anen mir? – So phenela i Biblija?

O vlastija hem o međunarodna organizacije našti te anen mir ki phuv. Avdije isi pobuter mariba nego ko sa odola berša palo Dujto svetsko rat. Oko duj milijarde manuša živinena ko thana kuri isi mariba.

Sose o manuša našti te anen mir? So phenela i Biblija?

Trin razlogija sose o manuša našti te anen mir

1. 1. O manuša mothovena osobine kola ćhinavena len te ćeren mir. Ki Biblija pisini so o manuša ko amaro vreme, „ka oven sebična, pohlepna aso pare, umišljena, ohola, . . . neverna, . . . nespremna aso bilo savo dogovor, . . . bizi samokontrola, okrutna, . . . tvrdoglava, ponosna“ (2. Timoteju 3:2-4).

2. 2. O manuša našti kokri te rešinen o problemija. Valjani lenđe pomoć kotar olengo Stvoritelj, o Jehovaa. I Biblija mothovi so „o manuš našti te upravini ni pe korakonencar“ (Jeremija 10:23).

3. 3. Akale svetoso vladari tano o Satana, o Beng „kova hovavi celo sveto“. Ov tano but moćno hem lošno (Otkrivenje 12:9). Sa đi tano o sveto „ko e Lošnonese vasta“, ka oven mariba (1. Jovanova 5:19).

Ko šaj te anel mir?

I Biblija mothovi so o Devel ka anel mir, a na o manuša.

• „’Sose me šukar đanava so mangava tumenđe‘, phenela o Jehova. ’Mangava te ovel tumen mir, a na pharipe, te ovel tumen šuži budućnost hem nada‘“ (Jeremija 29:11).

Sar o Devel ka ispunini odova obećanje? „O Devel kova dela mir pana hari. . . ka uništini e Benge“ (Rimljanima 16:20). Prekali jekh nebesko vladavina, koja ki Biblija vićini pe „e Devleso Kraljevstvo,“ o Devel ka ćerel te ovel mir ki celo phuv (Luka 4:43). Ked ka vladini o Isus Hrist, sar Kralj ando odova Kraljevstvo, o manuša ka sikljon te živinen ko mir (Isaija 9:6, 7).

• Ako mangeja te đane pobuter, čitin o članko „So e Devleso Kraljevstvo ka ćerel?“