O Isus bešlja upro her ked khuvđa ko Jerusalim

Da li o proročanstvija mothovena so o Isus hine o Mesija?

So phenela i Biblija?

Ja, đi hine ki phuv o Isus ispuninđa but proročanstvija ando „Mesija, o Vođa“, kova „ka spasini o sveto“ (Danilo 9:25; 1. Jovanova 4:14). Čak hem palo meribe, o Isus ispuninđa o proročanstvija ando Mesija (Psalam 110:1; Dela apostolska 2:34-36).

So značini o lafi „Mesija“?

O hebrejsko lafi kova tano prevodimo sar Mesija hem o grčko lafi kova tano prevodimo sar Hrist značini pomazanik. Odolese, o Isus Hrist značini o Isus pomazanik.

Ko purano vreme, ked o manuša dobinđe disavo posebno autoritet olenđe ćhorđe ulje ko šero (Levitska 8:12; 1. Samuilova 16:13). O Devel ćhivđa e Isuse te ovel Mesija hem ađahar dinđa le baro autoritet (Dela apostolska 2:36). Ama, o Isus na hine pomazimo uljeja, već o Devel pomazinđa le pe sveto duhoja (Matej 3:16).

Da li o proročanstvija ando Mesija odnosinena pe ko nekobor manuša?

Na. Sar so svako manuš isi le poklo otisak ando naj, ađahar e biblijake proročanstvija odnosinena pe samo ko jekh Mesija, ja Hrist. I Biblija upozorini amen so „ka pojavinen pe o hovavne Hristija hem o hovavne prorokija. Ka ćeren bare znakija hem čudija sar bi cidena ando pravo drumo čak hem okolen soj tane birime“ (Matej 24:24).

Da li o Mesija ka avel ki budućnost?

Na. Ki Biblija hine pisimo so o Mesija ka avel andi Davidesi loza (Psalam 89:3, 4). Ama, o jevrejsko rodoslov kola legari đi o David našaldilo ked o Rimljanija uništinđe o Jerusalim ko 70 berš.a Ando tegani niko naštine te mothovi so o Isus ćaće avela kotar Davidesi loza. Ama, ko vreme ked o Isus živinđa odola rodoslovija postojinđe hem niko naštine te phenel so o Isus na avela andi Davidesi loza, čak ni olese neprijateljija (Matej 22:41-46.)

Kobor proročanstvija ando Mesija isi ki Biblija?

Našti tačno te đana kobor proročanstvija ando Mesija isi ki Biblija. Odova zavisini sar neko đenela o proročanstvija. Na primer, ko Isaija 53:2-7 vaćeri pe kotar nekobor proročanstvija ando Mesija. Neko ka dikhel ko odola stihija sar jekh proročanstvo ando Mesija, a neko ka dikhel sar nekobor proročanstvija.

Disave proročanstvija ando Mesija kola ispuninđe pe upro Isus

Proročanstvo	Kaj pisini	Sar ispuninđa pe
E Avrahameso potomko	Postanak 22:17, 18	Matej 1:1
Potomko ando Avrahameso ćhavo, o Isak	Postanak 17:19	Matej 1:2
Bijandilo ko Judaso pleme	Postanak 49:10	Matej 1:1, 3
Avela andi Davidesi loza	Isaija 9:7	Matej 1:1
Bijanđa le i ćhaj	Isaija 7:14	Matej 1:18, 22, 23
Bijandilo ko Vitlejem	Mihej 5:2	Matej 2:1, 5, 6
Hine vićimo Emanuilob	Isaija 7:14	Matej 1:21-23
Olesi porodica hine skromno	Isaija 53:2	Luka 2:7
O tikne ćhave hine mudarde palo odova so bijandilo	Jeremija 31:15	Matej 2:16-18
Vićimo hine ando Egipat	Osija 11:1	Matej 2:13-15
Vićinđe le Nazarećaninc	Isaija 11:1	Matej 2:23
Anglo leste đelo o glasnik	Malahija 3:1	Matej 11:7-10
Hine pomazimo sar Mesija 29. beršd	Danilo 9:25	Matej 3:13-17
O Devel phenđa soj tano oleso Ćhavo	Psalam 2:7	Dela apostolska 13:33, 34
Revno aso Devleso ćher	Psalam 69:9	Jovan 2:13-17
Propovedinđa i šukar vest	Isaija 61:1	Luka 4:16-21
Anđa svetlost ki Galileja	Isaija 9:1, 2	Matej 4:13-16
Ćerđa čudija sar o Mojsije	Ponovljeni zakoni 18:15	Dela apostolska 2:22
Sar o Mojsije, vaćerđa e Devlese mislija	Ponovljeni zakoni 18:18, 19	Jovan 12:49
Saćarđa bute manušen	Isaija 53:4	Matej 8:16, 17
Na vazdinđa kokri pes	Isaija 42:2	Matej 12:17, 19
Hine saosećajno	Isaija 42:3	Matej 12:9-20; Marko 6:34
Mothovđa e Devlesi pravda	Isaija 42:1, 4	Matej 12:17-20
But šukar savetnik	Isaija 9:6, 7	Jovan 6:68
Vaćerđa ando Jehovaso anav	Psalam 22:22	Jovan 17:6
Vaćerđa poređenja	Psalam 78:2	Matej 13:34, 35
Vođa	Danilo 9:25	Matej 23:10
But đene na verujinđe koro leste	Isaija 53:1	Jovan 12:37, 38
But đene spotakninđe pe	Isaija 8:14, 15	Matej 21:42-44
O manuša odbacinđe le	Psalam 118:22, 23	Dela apostolska 4:10, 11
Mrzinđe le bizo ništa	Psalam 69:4	Jovan 15:24, 25
Ked khuvđa ko Jerusalim bešlja upro her	Zaharija 9:9	Matej 21:4-9
O ćhave hvalinđe le	Psalam 8:2	Matej 21:15, 16
Alo ko Jehovaso anav	Psalam 118:26	Jovan 12:12, 13
Izdajinđa le oleso paše amal	Psalam 41:9	Jovan 13:18
Hine izdajimo aso 30 srebrnikijae	Zaharija 11:12, 13	Matej 26:14-16; 27:3-10
Olese amala mukhlje le	Zaharija 13:7	Matej 26:31, 56
O manuša vaćerđe hovajba olestar	Psalam 35:11	Matej 26:59-61
Ked optužinđe le, ništa na vaćerđa	Isaija 53:7	Matej 27:12-14
Ćhungarđe le	Isaija 50:6	Matej 26:67; 27:27, 30
Khuvđe le ko šero	Mihej 5:1	Marko 15:19
Šibinđe le	Isaija 50:6	Jovan 19:1
Ked khuvđe le, o Isus na suprotstavinđa pe lenđe	Isaija 50:6	Jovan 18:22, 23
O vladarija složinđe pe te oven protiv oleste	Psalam 2:2	Luka 23:10-12
Olese vasta hem pre hine kovime ko stubo	Psalam 22:16	Matej 27:35; Jovan 20:25
O manuša fordinđe žreb aso olese šeja	Psalam 22:18	Jovan 19:23, 24
Hine đendo maškaro grešnikija	Isaija 53:12	Matej 27:38
Marđe lese muj hem vređinđe le	Psalam 22:7, 8	Matej 27:39-43
Patinđa aso grešnikija	Isaija 53:5, 6	1. Petrova 2:23-25
Dićhilo samći so o Devel mukhlja le	Psalam 22:1	Marko 15:34
Dinđe le vino kova hine ćerko	Psalam 69:21	Matej 27:34
Angleder te merel hine trošalo	Psalam 22:15	Jovan 19:28, 29
Dinđa po duho e Devlese	Psalam 31:5	Luka 23:46
Dinđa po životi	Isaija 53:12	Marko 15:37
Dinđa po životi te cidel o greh	Isaija 53:12	Matej 20:28
Olese kokala na hine phage	Psalam 34:20	Jovan 19:31-33, 36
Posavđe le	Zaharija 12:10	Jovan 19:33-35, 37
Hine parumo e barvalencar	Isaija 53:9	Matej 27:57-60
Uskrsninđa ando meribe	Psalam 16:10	Dela apostolska 2:29-31
Ko okoleso than so izdajinđa le, alo neko aver	Psalam 109:8	Dela apostolska 1:15-20
Bešlja ki Devlesi desno strana	Psalam 110:1	Dela apostolska 2:34-36

a Ki enciklopedija Maklintok hem Strong pisini: „O rodoslov ando jevrejska plemenija hem porodice našaldilo ked o Jerusalim hine uništimo, a na angleder odova.“

b O hebrejsko anav Emanuilo značini „o Devel tano amencar“ hem šukar mothovi amenđe savi uloga o Isus hine le sar Mesija. Odova so alo ki phuv hem sa so ćerđa mothovđa so o Devel tano okolencar kola služinena olese (Luka 2:27-32; 7:12-16).

c O lafi „Nazarećanin“ avela ando hebrejsko lafi necer hem značini „izdanak.“

d Ako mangeja te đane pobuter sar i biblijsko hronologija mothovi amenđe so o Mesija ka avel ko 29. berš, dikh „Sar e Daniloso proročanstvo mothovi ked ka avel o Mesija.“

e Akava proročanstvo pisini ki knjiga Zaharija, a o Matej phenela so odova „hine phendo prekalo prorok Jeremija“ (Matej 27:9). Izgleda so e Jeremijasi knjiga disavo puti hine ćhivdi ko prvo than ko deo andi Biblija kova vićini pe „Prorokija“ (Luka 24:44). Ked o Matej koristinđa o lafi „Jeremija“ odova odnosinđa pe ko sa o knjige kola hine ko odova deo, maškaro kola hine hem i knjiga ando prorok Zaharija.