Sose živinaja?

So phenela i Biblija?

But putija o manuša pućena pe: Sose hijam akate? ja Sose živinaja? I Biblija mothovi so hijam ćerde te šaj te upoznajina e Devle hem te ova paše amala oleja. Dikh disave osnovna ćaćipa andi Biblija kola odova mothovena.

• O Devel tano amaro Stvoritelj. I Biblija phenela: „Ov stvorinđa amen, a na amen kokri“ (Psalam 100:3; Otkrivenje 4:11).

• O Devel isi le razlog aso sa so ćerđa (Isaija 45:18).

• Ked ćerđa amen, o Jehova ćhivđa ano amende i želja te penđara le hem te služina olese, a odova tano važno ako mangaja te đana sose živinaja (Matej 5:3). Ov mangela te zadovoljina odija želja (Psalam 145:16).

• Amen šaj te zadovoljina amari želja te penđara e Devle ađahar so ka ova amala oleja. Iako but manuša mislinena so našti te oven paše e Devleja, o Devel prekalo po Lafi ohrabrini amen: „Oven paše e Devleja, hem ov ka ovel paše tumencar“ (Jakovljeva 4:8; 2:23).

• Te šaj te ova e Devlese amala, valjani te živina ađahar sar so ov mangela. Ko Propovednik 12:13 pisini so o Devel mangela te ćera: „Nek ovel tut dar ando ćaćutno Devel hem ićer tut ko olese zapovestija, sose odova tano sa so rodela pe ando manuš.“

• Pana hari, o Devel ka cidel sa o muke hem ka del o večno životi okolenđe so služinena olese. Tegani, ka ispunini odova so kotar početko manglja e manušenđe (Psalam 37:10, 11).