3. So o Jehova ađićeri kotar pe amala?

O Jehova mangela sa e manušen, ama „paše tano okolencar kola isi len iskreno vilo“ (Poslovice 3:32). O Jehova ađićeri kotar pe amala te trudinen pe te ćeren o buća aso kola ov phenela soj tane šukar hem te na ćeren o buća aso kola ov phenela soj tane lošna. Disave mislinena so on našti te ićeren pe ko odova. Ama, o Jehova haljola len. Ov prihvatini svakone kova ćaće mangela le hem dela sa pestar te šunel le (Psalam 147:11; Dela apostolska 10:34, 35).

Sare amen mangaja amare amala te oven poštena. O Jehova ando pe amala rodela te oven poštena. Ama, odova nane uvek lokho, sose živinaja ko sveto kuri but manuša nane asavke. Sose ipak valjani te ova poštena ko sa?

1. Sose tano važno te ova poštena?

Ked hijam poštena premalo avera manuša, amen mothovaja so mangaja e Jehova hem so poštujinaja le. Ma te bistra so o Jehova đanela sostar razmislinaja hem so ćeraja (Jevrejima 4:13). Svako puti ked hijam poštena, ov dikhela odova hem bahtalo tano. Ko oleso Lafi pisini: „E Jehovase tano gadno o lošno manuš, a amal tano okolencar kola isi len iskreno vilo“ (Poslovice 3:32).

2. Sar šaj te mothova so hijam poštena?

O Jehova phenela amenđe: „Vaćeren o ćaćipe jekh jekhese“ (Zaharija 8:16, 17). Odova značini so đi vaćeraja amare porodicaja, amare kolegencar, e phralencar hem e phenjencar ja e manušencar kola tane ki vlast, amen na hovavaja. O poštena manuša na ćorena hem na prevarinena avere manušen (Čitinen Poslovice 24:28 hem Efešanima 4:28). Isto ađahar, amen platinaja amare računija hem o porez (Rimljanima 13:5-7). Ađahar mothovaja so „mangaja ko sa o buća te ova poštena“ (Jevrejima 13:18).

3. Sose tano šukar te ova poštena?

Ako hijam penđarde sar poštena manuša, avera manuša ka ovel len poverenje upro amende. Amare phralja hem phenja ka osetinen pe sigurno, sar ki pi porodica. Uzo odova, ka ovel amen čisto savest. Isto ađahar, ked amen hijam poštena, tegani „ukrasinaja o sikljoviba ando amaro Spasitelj, o Devel“, a odova šaj te ćhivel averen te služinen e Jehovase (Titu 2:10).

SIKLJOV POBUTER

4. O Jehova tano bahtalo ked hijam poštena

Čitinen Psalam 44:21 hem Malahija 3:16, hem palo odova vaćeren ando akala pućiba:

• Sose na valjani te mislina so šaj diso te garava?

• Sar o Jehova osetini pe ked amen vaćeraja o ćaćipe, čak ked tano odova pharo?

5. Ov uvek pošteno

VIDEO: So ćerela amen te ova radosna? – I čisto savest (2:32)

Čitinen Jevrejima 13:18, hem palo odova vaćeren sar šaj te ova poštena. . .

• ki amari porodica?

• ki buti ja ki škola?

• ko avera situacije?

6. Amare šukaripase tano te ova poštena

Disavo puti šaj ka ovel amen problemija sose hijam poštena. Ama, ki aver strana, uvek tano šukar te ova poštena. Čitinen Psalam 34:12-16, hem palo odova vaćeren ando akava pućibe:

• Sose tano šukar uvek te ove pošteno?

1. 1. O rom hem i romni ka oven pana popaše jekh jekheja

2. 2. O šefi ka ovel le poverenje upro amende

3. 3. Anglo vlastija ka ova penđarde sar šukar manuša

SO SIKLJILJAM

O Jehova mangela olese amala uvek te oven poštena hem te vaćeren o ćaćipe.

Te ponovina

• Sar šaj te mothove so hijan pošteno?

• Sose na valjani te mislina so šaj diso te garava?

• Sose tu mangeja uvek te ove pošteno?

RODE POBUTER

Sar šaj o dad hem i daj te sikaven pe ćhaven te oven poštena?

Vaćer o ćaćipe (1:44)

Sose tano šukar te ićera amen ko amaro lafi?

Ko ićeri po lafi, ka ovel le blagoslovija (9:09)

Čitin sose valjani te platina o porez, čak iako na đanaja kaj đana odola pare.

„Sose valjani te platina o porez?“ (Stražarska kula, 1. septembar 2011)

So pomožinđa jekhe manušese te menjini pe hem te živini pošteno?

„Sikljiljum so o Jehova tano milosrdno hem so oprostini“ (Stražarska kula, 1. maj 2015)

2. Sar odova kas tu birineja te ovel to amal utičini upro Jehova?

O Jehova pazini kas birini te ovel oleso amal. Ki Biblija pisini soj tano ov „amal okolencar kola isi len iskreno vilo“ (Poslovice 3:32). Sar bi o Jehova osetini pe ked bi amen družinaja amen okolencar kola na mangena le? Odova bi but dukhavi le! (Čitinen Jakovljeva 4:4.) Ama, ako cidaja amen ando lošno društvo hem ako hijam paše okolencar kola mangena le, o Jehova ka ovel but bahtalo hem ka birini amen te ova olese amala (Psalam 15:1-4).