• Podržin e phenjen ki ti skupština
    Stražarsko kula (izdanje proučibase) – 2020 | septembar
    • O Isus bešindoj sikavi e Marta hem e Marija. Kolaž: 1. Jekh par posetini jekha naborme phenja ko olako ćher. O phral vaćeri e romnjaja đi i phen ćhivela o namirnice ko po than. 2. Jekh par uživini ko porodično proučibe jekha phenjaja hem olake ćhajaja. 3. Jekh phral pomožini duje phenjenđe te menjinen i guma ko pe vorda.

      Sar o Isus, sar šaj hem amen te mothova so mangaja amare verno phenjen? (Dikh kotar 6-9. odlomko)e

      6. Premalo Luka 10:38-42, sar o Isus pomožinđa e Martaće hem e Marijaće?

      6 O Isus odvojinđa vreme pe duhovno phenjenđe hem hine lenđe pravo amal. Odova najšukar dićhola ando e Isuseso amalipe e Marijaja hem e Martaja, kola solduj hine kokri. (Čitin Luka 10:38-42.) Sebepi olese lafija hem delija, on duj osetinđe pe šukar ked hine e Isuseja. I Marija osetinđa pe slobodno te bešel uzalo e Isusese pre, sar so bi ćerela jekh učeniko.c Ki aver strana, ked i Marta holjanđa so i Marija na pomožini laće te pripremini habe, i Marta osetinđa pe slobodno te vaćeri e Isusese po mišljenje odolestar. Ki odija situacija, o Isus sikavđa hem e Marija hem e Marta jekh važno buti. Isto ađahar, o Isus mothovđa so brinini pe olendar hem ando olengo phral, o Lazar, ađahar so posetinđa len pana nekobor putija (Jov. 12:1-3). Sebepi odova, ked o Lazar ozbiljno naborsajlo, i Marija hem i Marta osetinđe pe slobodno te vićinen e Isuse te bi pomožini len (Jov. 11:3, 5).