Sose isi lošnipe hem sose o manuša patinena?

Ked ovela diso lošno, o manuša obično pućena pe: „Sose odova ulo?“ Bahtale hijam so i Biblija dela amen odgovor ko odova pućibe.

1. Sar o lošnipe počminđa?

O Beng pobuninđa pe protiv o Devel. Ov manglja te vladini umesto o Devel. Odolese, ov ćhivđa e Adame hem e Eva hem on te pobuninen pe. Odova ćerđa ađahar so hovavđa e Eva (Postanak 3:1-5). Ćhivđa la te mislini so o Jehova garavi olatar diso šukar. Avere lafencar, ov phenđa so o manuša ka oven pobahtale ako na šunena e Devle. Ked phenđa e Evaće so na ka merel, o Beng vaćerđa o prvo hovajbe. Odolese, i Biblija phenela so o Beng tano „hovavno hem o dad ando hovajbe“ (Jovan 8:44).

2. So o Adam hem i Eva odlučinđe te ćeren?

O Jehova hine ćaće phravde vasteso premalo Adam hem premali Eva. Ov phenđa so šaj te han o plod kotar svako kaš ko vrt, osim kotar jekh kaš (Postanak 2:15-17). Ama, on ipak odlučinđe te han o plod kotar odova kaš. I Eva lelja o plod hem halja le. Palo odova, hem o Adam halja odova plod (Postanak 3:6). On solduj na šunđe e Devle. Sebepi so o Adam hem i Eva hine savršena manuša, on ano peste na hine len ništa so bi ćhivela len te grešinen. Ama, on odlučinđe te na šunen e Devle. Ađahar, on grešinđe hem mothovđe so na mangena o Devel te ovel olengo vladari. Sebepi odija odluka, but patinđe (Postanak 3:16-19).

3. Sar e Adamesi hem e Evaki odluka utičini upro amende?

Ked o Adam hem i Eva grešinđe, on ulje nesavršena hem sebepi olengo hem amen hijam nesavršena. Ked vaćeri ando Adam, i Biblija phenela: „Prekalo jekh manuš ko sveto khuvđa o greh hem prekalo greh o meribe, hem ađahar o meribe alo ko sa o manuša“ (Rimljanima 5:12).

Isi nekobor razlogija sose patinaja. Podijekh puti patinaja sebepi o lošna odluke kola anđam ja sebepi so avera manuša anđe disave lošna odluke. Disavo puti patinaja sose hijam ko pogrešno than ko pogrešno vreme. (Čitinen Propovednik 9:11.)

SIKLJOV POBUTER

4. Kastar avena o lošnipe hem o muke?

But manuša verujinena so o Devel vladini akale svetoja. Ama, da li tano odova ađahar? Dikhen o VIDEO.

VIDEO: Ko vladini akale svetoja? (1:24)

Čitinen Jakovljeva 1:13 hem 1. Jovanova 5:19, hem palo odova vaćeren ando akava pućibe:

• Da li ando Devel avena o lošnipe hem o muke?

5. So ovela ki phuv sar počminđa te vladini o Beng?

VIDEO: Sose o Devel dozvolini te oven o lošnipe hem o muke? – insert (3:07)

Čitinen Postanak 3:1-6, hem palo odova vaćeren ando akala pućiba:

• Savo hovajbe o Beng vaćerđa? (Dikhen o 4. hem o 5. stih)

• Sar o Beng manglja te ćhivel e Eva te mislini so o Jehova garavi olendar diso šukar?

• Premalo e Bengese lafija, da li o Devel valjani te vladini upro manuša te šaj on te oven bahtale?

Čitinen Propovednik 8:9, hem palo odova vaćeren ando akava pućibe:

• So ovela ki phuv sebepi so o Jehova na vladini?

1. 1. O Adam hem i Eva hine savršena manuša hem živinđe ko raj. Ama, on šunđe e Benge hem pobuninđe pe protiv o Jehova

2. 2. Sebepi i pobuna, o manuša ulje grešna, patinena hem merena

3. 3. Pana hari, o Jehova ka cidel o greh, o muke hem o meribe. O manuša palem ka oven savršena hem ka živinen ko raj

6. E Jehovase tano but pharo ked patinaja

Sar osetini pe o Devel ked amen patinaja? Te dikha so o kralj David hem o apostol Petar pisinđe odolestar. Čitinen Psalam 31:7 hem 1. Petrova 5:7, hem palo odova vaćeren ando akava pućibe:

• Sar osetineja tut ked đaneja so o Jehova dikhela amari dukh hem brinini pe amendar?

SO SIKLJILJAM

Amen patinaja sebepi o Beng hem sebepi o Adam hem i Eva. O Jehova brinini pe amendar hem pana hari ka cidel sa amare muke.

Te ponovina

• Savo hovajbe o Beng phenđa e Evaće?

• Sar odova so o Adam hem i Eva pobuninđe pe utičini upro amende?

• Sar đanaja so o Jehova brinini pe amendar?

RODE POBUTER

Sikljov so i Biblija phenela soj tano greh.

„Soj tano greh?“ (članko ko amaro sajt)

Čitin aso kola buća o Beng optužinđa e Devle.

„Sose o Devel dozvolini amen te patina?“ (Stražarska kula, 1. januar 2014)

Dikh o utešna odgovorija ko pućiba kola mučinena bute manušen.

„Sose o Devel dozvolinđa milionija Jevreja te oven mudarde?“ (članko ko amaro sajt)

Dikh so pomožinđa jekhe manušese te haljol sose o manuša patinena.

Više na hijum kokri (5:09)

Sebepi so o Adam hem i Eva na šunđe e Devle amen grešinaja, patinaja hem meraja.a Ama, o Jehova na aćhavđa amen bizi nada. Ov phravđa o drumo te šaj te ova oslobodime ando greh hem ando meribe. Dinđa pe Ćhave, e Isuse, te merel amenđe. I Biblija phenela so o Isus dinđa po životi sar otkupnina sarinenđe. Soj tani i otkupnina? I otkupnina tani cena koja valjani te platini pe te šaj neko te ovel oslobodimo. I cena koja o Isus platinđa hine oleso savršeno životi. (Čitinen Matej 20:28.) Sebepi so hine savršeno hem so uvek šunđa e Jehova, o Isus šaj hine večno te živini ki phuv. Ama, ov spremno dinđa po životi te šaj te ovel amen sa odova so o Adam hem i Eva našalđe. Isto ađahar, o Isus mothovđa kobor o Jehova hem ov mangena amen. Ki akija lekcija, ka sikljova sar šaj te mothova so hijam zahvalna so o Isus mulo amenđe.

1. Kola buća akana šaj te ovel amen sebepi so o Isus mulo?

Odolese so hijam grešna, amen ćeraja but buća kola na sviđinena pe e Jehovase. Ama, ako kajinaja amen, molinaja e Jehova te oprostini amenđe hem daja sa amendar te na ćera palem odova so ćerđam, amen šaj te ova paše e Devleja (1. Jovanova 2:1). I Biblija phenela: „Sose o Hrist jekhvar hem zauvek mulo aso grehija, o pravedniko aso nepravedna manuša, te anel tumen đi o Devel“ (1. Petrova 3:18).

2. Kola buća šaj te ovel amen ki budućnost sebepi so o Isus mulo?

O Jehova bićhalđa e Isuse te del po savršeno životi „te na ovel uništimo nijekh kova mothovi vera [ko Isus], nego te ovel le večno životi“ (Jovan 3:16). Sebepi odova so o Isus ćerđa, o Jehova pana hari ka cidel sa o lošna buća kola ulje odolese so o Adam grešinđa. Odova značini so ako mothovaja vera ki Isusesi otkupno žrtva, amen šaj te živina večno ko raj ki phuv (Isaija 65:21-23).

SIKLJOV POBUTER

3. Sebepi so o Isus mulo amen hijam oslobodime ando greh hem ando meribe

VIDEO: Sose o Isus mulo? – 1. deo (2:01)

• So o Adam našalđa ked na šunđa e Devle?

Čitinen Rimljanima 5:12, hem palo odova vaćeren ando akava pućibe:

• Sar odova so o Adam grešinđa utičini upro tute?

Čitinen Jovan 3:16, hem palo odova vaćeren ando akava pućibe:

• Sose o Jehova bićhalđa pe Ćhave ki phuv?

1. 1. O Adam hine savršeno manuš kova na šunđa e Devle hem sebepi odova o manuša tane grešna hem merena

2. 2. O Isus hine savršeno manuš kova šunđa e Devle hem sebepi odova o manuša šaj te oven savršena hem šaj večno te živinen

4. Sebepi so o Isus mulo o manuša šaj te oven spasime

VIDEO: Sose o Isus mulo? – 2. deo (2:00)

• Sar šaj jekhe manušeso meribe te spasini sa e manušen?

Čitinen 1. Timoteju 2:5, 6, hem palo odova vaćeren ando akava pućibe:

• O Adam hine savršeno manuš. Ama, sebepi so grešinđa, sa o manuša tane grešna hem merena. O Isus hine savršeno manuš. Sar odova so o Isus dinđa po životi šaj te oslobodini amen ando greh hem ando meribe?

5. I otkupnina tani e Jehovaso poklon tuće

E Jehovase amala ki otkupnina dikhena sar poklon kova o Jehova dinđa lično olenđe. Na primer, čitinen Galatima 2:20, hem palo odova vaćeren ando akava pućibe:

• Sar o apostol Pavle dikhlja ki otkupnina?

Ked o Adam grešinđa, ov hem sa olese ćhave hine osudime ko meribe. Ama, o Jehova bićhalđa pe Ćhave te merel te šaj tu te živine večno ki phuv.

Đi čitineja akala stihija, pokušin te zamisline sar o Jehova osetinđa pe ked dikhlja pe Ćhave sar patini. Čitinen Jovan 19:1-7, 16-18, hem palo odova vaćeren ando akava pućibe:

• Sar osetineja tut sebepi odova so o Jehova hem o Isus ćerđe tuće?

SO SIKLJILJAM

Sebepi so o Isus mulo, o Jehova šaj te oprostini amare grehija hem amen šaj večno te živina.

Te ponovina

• Sose o Isus mulo?

• Sar odova so o Isus dinđa po životi sar otkupnina oslobodini amen ando greh hem ando meribe?

• So šaj te ovel amen sebepi so o Isus dinđa po životi?

RODE POBUTER

Sikljov sose e Isuseso savršeno životi hine odgovarajućo otkupnina sarinenđe.

„Sar odoleja so mulo o Isus šaj hine te del otkupnina butenđe?“ (članko ko amaro sajt)

Sikljov so valjani te ćera te šaj te ova oslobodime ando greh hem ando meribe.

„Sar o Isus spasini amen?“ (članko ko amaro sajt)

Da li šaj o Jehova te oprostini o bare grehija?

„Pućiba hem odgovorija“ (Stražarska kula, 1. maj 2013)

Čitin sar jekhe manušese e Isusesi otkupno žrtva pomožinđa te menini pe.

„Više na hijum nasilno“ (članko ko amaro sajt)