• So šaj te sikljova ando Isuseso tikneder phral?
    Stražarsko kula (izdanje proučibase) – 2022 | januar

    • AĆHOV PONIZNO SAR O JAKOV

      O Jakov ćerela buti sar tesari đi o Isus, palo odova so uskrsninđa, vaćeri oleja.

      Ked o Isus pojavinđa pe lese, o Jakov hine ponizno hem prihvatinđa so o Isus hine o Mesija. Palo odova, ov ulo oleso učenik (Dikh kotar 5-7. odlomko)

      5. Sar o Jakov reagujinđa ked o Isus pojavinđa pe lese palo odova so uskrsninđa?

      5 Ked o Jakov ulo e Isuseso učenik? Palo odova so uskrsninđa, o Isus „pojavinđa pe e Jakovese, hem kasnije sa e apostolenđe“ (1. Kor. 15:7). Odova odobor utičinđa upro Jakov so ulo e Isuseso učenik. Ov hine odothe ked o apostolija dobinđe o sveti duh ked hine ki jekh soba ko Jerusalim (Dela 1:13, 14). Palo odova, o Jakov služinđa sar član ando vodeće telo (Dela 15:6, 13-22; Gal. 2:9). Hari angleder o 62. berš ki nevi era, ov pisinđa jekh lil e pomazano hrišćanenđe. Odova lil šaj hem amenđe avdije te pomožini bilo te ovel amen nada so ka živina ko nebo ja ki phuv (Jak. 1:1). Premalo odova so o jevrejsko istoričar, o Josif Flavije, pisinđa o jevrejsko prvosveštenik o Ananija, e Anaso ćhavo, naredinđa te mudaren e Jakove. O Jakov verno služinđa e Jehovase sa đi na završinđa po životi ki phuv.