• So ka pomožini tuće hem ponodri te proučine i Biblija?
    Ov bahtalo zauvek! – sikljov andi Biblija

    • 4. To kurs nek ovel tuće najvažno

      Disavo puti isi amen odobor but buća te ćera so mislinaja so nane amen vreme te proučina i Biblija. So šaj te pomožini amenđe? Čitinen Filipljanima 1:10, hem palo odova vaćeren ando akala pućiba:

      • So mislineja, soj tano najvažno ko životi?

      • So šaj te ćere te mothove so o kurs tano tuće but važno?

      A. Kolaž: O slike ko kola tane mothovde o posude pherde pošikaja hem barencar. 1. O bara hem i pošik. 2. I posuda skoro pherdi pošikaja. 3. Disave bara tane ki pošik, a disave tane pana ki phuv. B. Kolaž: 1. Isto količina ando bara hem andi pošik. 2. Isto posuda tani skoro pherdi bare barencar. 3. I pošik pherđa o prostor kova hine maškaro bara hem akana i posuda tani pherdi đi ko muj. Hari količina andi pošik naštinđa te resel ki posuda.

      1. 1. Ako ki posuda prvo ćhiveja i pošik, o bara na ka resen

      2. 2. Ama, ako prvo ćhiveja o bara, tegani ka ovel than te resel hem i pošik. Isto ađahar, ako o najvažna buća ćhiveja ko prvo than ko to životi, tegani na samo so ka ćere odola važna buća već ka ovel tut vreme hem aso avera buća

      Amenđe valjani o Devel. Ked proučinaja i Biblija, amen šaj te penđara e Devle hem te služina olese. Čitinen Matej 5:3, hem palo odova vaćeren ando akava pućibe:

      • Sose tano šukar amaro kurs te ovel amenđe najvažno?