Sar o sastankija kola ićerena e Jehovase svedokija šaj te pomožinen tut?

Da li nekad hijan le ko dijekh sastanko kova ićerena e Jehovase svedokija? Ako na, šaj prvo puti lađaja te đa. Šaj pućeja tut: „So ćerela pe ko odola sastankija? Sose tane važna? Sose valjani te đav uduri?“ Akana ka dikha sar šaj o sastankija te pomožinen tut te ove paše e Devleja hem sar šaj te pomožinen tut ko to životi.

1. Kova tano o glavno razlog sose ćedaja amen?

Jekh e biblijako pisco pisinđa kova tano o glavno razlog sose ćedaja amen. Ov phenđa: „Ka hvalinav e Jehova maškaro ćedime manuša“ (Psalam 26:12). Isto ađahar, hem e Jehovase svedokija avdije tane but bahtale ked ćedena pe. Ko celo sveto, svako kurko on ćedena pe te hvalinen e Devle, te đilaben hem te molinen pe. Uzo odova, nekobor putija ko berš ćedena pe ko pobare skupija.

2. So ka sikljove ko amare sastankija?

Ko amare sastankija, objasnini pe odova so pisini ko e Devleso Lafi. (Čitinen Nemija 8:8.) Uduri ka sikljove ando Jehova hem ando olese šuže osobine. So pobuter ka sikljove ando odova kobor o Jehova mangela tut, ka ove pana popaše oleja. Isto ađahar, ka sikljove sar šaj o Jehova te pomožini tut te ovel tut pana pošukar životi (Isaija 48:17, 18).

3. Sose tano šukar te penđare tut averencar ko amare sastankija?

O Jehova phenela amenđe „te razmislina jekh jekhestar, te šaj te podstaknina amen ko mangipe hem ko šukar delija, hem te na aćhava amare sastankija“ (Jevrejima 10:24, 25). Ko amare sastankija, ka penđare e manušen kola ćaće mangena jekh jekhe hem kola sar tu mangena te sikljon pobuter ando Devel. Đi šuneja len sar vaćerena andi Biblija, odova but ka pomožini tut. (Čitinen Rimljanima 1:11, 12.) Isto ađahar, uduri ka penđare hem okolen kola sikljilje sar te ikljon ko krajo pe problemencar. Akala tane samo disave razlogija sose o Jehova mangela redovno te ćeda amen.

SIKLJOV POBUTER

4. O sastankija kola ićerena e Jehovase svedokija

Ko prvo veko, o hrišćanija redovno ćedinđe pe te hvalinen e Jehova (Rimljanima 16:3-5). Čitinen Kološanima 3:16, hem palo odova vaćeren ando akava pućibe:

• Sar o hrišćanija ko prvo veko hvalinđe e Jehova?

VIDEO: Sar izgledinena o sastankija ki amari dvorana? (2:12)

• Kola sličnostija isi maškaro sastankija ando e Jehovase svedokija hem odova so pisini ko Kološanima 3:16?

• Da li isi diso so sviđinđa pe tuće ko video ili ki slika?

Čitinen 2. Korinćanima 9:7, hem palo odova vaćeren ando akava pućibe:

• Sose e Jehovase svedokija ko pe sastankija na rodena pare ando manuša?

Dikhen sostar ka vaćeri pe ko aver sastanko.

• So mislineja, kova deo ando sastanko ka ovel tuće interesantno hem korisno?

Da li đanđan?

Ko jw.org, šaj te arakhe kaj hem ked ićerena pe amare sastankija ko celo sveto.

1. (1) Ko amare sastankija šaj te šuna govorija, te dikha prikazija hem video-materijalija. O sastankija počminena hem završinena pe điljaja hem molitvaja

2. (2) Ko disave delovija ando amare sastankija i publika šaj te komentarišini

3. (3) Sare šaj te aven – o murša, o đuvlja, o phure, o terne hem o ćhavore

4. (4) Ko amare sastankija ništa na platini pe. E Jehovase svedokija na rodena pare ando manuša aso odova so sikavena len

5. Valjani te de sa tutar te đa ko sastankija

Dikh o primer andi e Isusesi porodica. Svako berš, te šaj te đan ko hram, on valjanđe phirindoj prekalo bregija te nakhen oko 100 kilometrija ando Nazaret đi ko Jerusalim. Čitinen Luka 2:39-42, hem palo odova vaćeren ando akala pućiba:

• So mislineja, da li hine lokho te putujini pe đi ko Jerusalim?

• Sose hem tuće šaj te ovel pharo te đa ko sastankija?

• So mislineja, da li tano ipak šukar te ave ko sastankija? Sose mislineja ađahar?

• Sose valjani redovno te đa ko sastankija?

SO SIKLJILJAM

Ked aveja ko sastankija, odova ka pomožini tuće pana pobuter te sikljove ando Jehova, te ove pana popaše oleja hem te hvaline le averencar.

Te ponovina

• Sose o Jehova podstaknini amen te ćeda amen?

• So ka sikljove ko sastankija kola ićerena e Jehovase svedokija?

• Sar šaj o sastankija pana te pomožinen tut?

RODE POBUTER

So ako lađaja te đa ko sastanko? Dikh sar jekh manuš kova ađahar osetinđa pe počminđa te mangel o sastankija.

Niked na ka bistra odova pozdrav (4:16)

Dikh sar jekh terno ćhavo osetinđa pe ked alo ko sastanak hem so ćerđa te šaj te ovel redovno ko sastankija.

O sastankija but sviđinđe pe maje! (4:33)

Dikh so disave phenena ando sastankija.

„Sose bi ovela šukar te ave ko sastanak ki dvorana?“ (članko ko amaro sajt)

Čitin sar jekh kriminalco menjinđa po životi palo odova so alo ko sastanko ando e Jehovase svedokija.

„Nigde na đeljum bizo pištolji“ (Stražarska kula, 1. jul 2014)

5. O sveto but menjinđa pe kotar 1914. berš

Dikhen o VIDEO.

VIDEO: O sveto but menjinđa pe kotar 1914. berš (1:10)

O Isus phenđa kola buća ka oven ko sveto ked ov ka ovel Kralj. Čitinen Luka 21:9-11, hem palo odova vaćeren ando akava pućibe:

• Kola ando akala buća dikheja so ovena avdije?

O apostol Pavle pisinđa save ka oven o manuša ko poslednja dive. Čitinen 2. Timoteju 3:1-5, hem palo odova vaćeren ando akava pućibe:

• Kola ando akala osobine dikheja ko manuša avdije?

6. Mothov so verujineja so e Devleso Kraljevstvo akana vladini

Čitinen Matej 24:3, 14, hem palo odova vaćeren ando akala pućiba:

• So pana mothovi so e Devleso Kraljevstvo akana vladini?

• Sar šaj hem tu te učestvujine ko odova?

E Devleso Kraljevstvo akana vladini ko nebo hem but tano paše o dive ked ka počmini te vladini hem upri celo phuv. Čitinen Jevrejima 10:24, 25, hem palo odova vaćeren ando akava pućibe:

• So valjani te ćerel svako amendar sar „dikhaja soj tano o dive popaše?“