Da lji cenineja odova so služineja e Jehovase?

E Ezekielesi vizija ando hram zorjačerdža e Izraelcen, adžahar so dijaljen nada so i čisto religija ka ovel irimi ko po than. Ko akala palune dive, i čisto religija „ka ovel zorjačerdi upreder o gorska vrhija“ hem amen hijam maškaro sa odola narodija kola džana nakro olate (Is 2:2). Da lji haljoveja kobor tani bari čast so pendžareja e Jehova hem so šaj te služine oljese?

BEREČETIJA KOLA ISILJEN E DEVLJESE SLUGE:

• 

  Isimen duhovno habe kova delamen odgovorija ko pučiba ando amaro dživdipe, te šaj pošukar te živina hem delamen nada (Is 48:17, 18; 65:13; Ri 15:4).

• Isimen mangipe maškaro phralja ko celo sveto (Ps 133:1; Jv 13:35).

• Isimen čast te čera buti ki kupa e Devljeja (Čer 20:35; 1Ko 3:9).

• „E Devljeso rahati“ kova delamen zoraljipe ked nakhaja o pharipa (Fi 4:6, 7).

• Čisto savest (2Ti 1:3).

• O amaljipe e Jehova (Ps 25:14).

Sar šaj me te mothovav so ceninava odova so služinava e Jehovase?