Živin te slavine e Jehova!

O dživdipe tano jekh baro daro. Odoljeja sar svako dive koristina amaro dživdipe mothova kobor ceninajalje. Amen sar e Jehovase svedokija manga te koristina amaro talenat hem odova so džana te čera te da slava e Jehovase kastar avela o dživdipe (Ps 36:9; Pu 4:11). Ama, o gajlje kola isimen svako dive ko akava lošno sveto šaj kolaj te ciden amare duhovna buča ki strana (Mr 4:18, 19). Svako amendar šaj kokri pes te pučel: „Da lji me čače dava sa najšukar so isima e Jehovase? (Os 14:2). Sar mi buti ja mi karijera utičinena ki mi služba e Jehovase? Kola tane meklje duhovna ciljija? Sar šaj pobuter te služinav e Jehovase?“ Ako dikheja kuri šaj pošukar te čere ti služba, moljintu e Jehovase te pomožinitu hem promin odova so valjani. Ako slavineja e Jehova svako dive odova sigurno ka čerel to dživdipe te ovel bahtalo (Ps 61:8).

DIKH O FILM KORISTI SVOJ TALENAT ZA JEHOVU HEM PALO ODOVA ODGOVORIN KO AKALA PUČIBA:

• Sose nane šukar te de teklje talentija ko Bengeso sveto? (1Jv 2:17)

• Kola berečetija isiljen okola so dena sa najšukar e Jehovase?

• Ki savi sveto služba šaj te de te talentija hem odova so džaneja te čere?