HRIŠĆANSKO DŽIVDIPE
Te šaj te čera učenikon valjani te vačera o šukar haberi hem te sikava
O Isus pheja pe učenikondže te džan hem te čeren učenikon (Mt 28:19). Odova čerelape adžahar so vačeripe hem sikavipe o šukar haberi. Sar džala o vakti sare amen valjani te pučamen, sar šaj te ova pošukar ko odova te čera učenikon.
VAČER O ŠUKAR HABERI
Amen na valjani te beša hem te adžičera o manuša te aven koro amende, amen valjani te dža hem te roda okoljen so zaslužinena te šunen (Mt 10:11). Ked hijam ki služba, da lji koristina svako prilika te vačera e manušenca koljen resa? (Čer 17:17). I Lidija ulji hrišćanka sebepi so o apostol Pavle revno vačerdža o šukar haberi (Čer 16:13-15).
„Sabalje sadin toklo seme hem sa dži o akšami to vas ma te dahini“ (Va 11:6)
DIKH O FILM PROPOVEDAJ „BEZ PRESTANKA“ — NEFORMALNO I OD KUĆE DO KUĆE HEM PALO ODOVA ODGOVORIN KO AKALA PUČIBA:
Sar o Samuel svako dive mothodža so uvek rodija te sadini o seme ando čačipe?
Sose valjani te ačhova zoralje ki svako vrsta andi amari služba?
Kase šaj svako dive te vačere o haberi ando Kraljevstvo?
SIKAV O ŠUKAR HABERI
Te šaj te čera učenikon, amen na valjani samo te ačhava o publikacije e manušendže nego valjani te čera diso pobuter. Te šaj te pomožina e manušendže duhovno te barjon, amen valjani te dža but puča koro oljende hem te sikavaljen andi Biblija (1Ko 3:6-9). So valjani te čera ked dikha so daja sa amendar te arakha džikas ko mangela te sikljol andi Biblija, ama na džala amendže? (Mt 13:19-22). Amen valjani hem ponodri te roda okoljen kaso vilo tano sar „šukar phuv“ (Mt 13:23; Čer 13:48).
„Me sadijum, o Apolo vadija, ama o Devel dija te barjol“ (1Ko 3:6)
DIKH O FILM PROPOVEDAJ „BEZ PRESTANKA“ — NA JAVNIM MESTIMA I DOK STVARAŠ UČENIKE HEM PALO ODOVA ODGOVORIN KO AKALA PUČIBA:
Sar o Solomon hem i Meri sadije o seme ando čačipe ko vilje ko Ezekiel hem ki Abigejla?
So valjani te ovel amaro cilj ko sa o vrste andi amari služba hem ko javna thana kuri vačera o šukar haberi?
Sar šaj amen te mothova kobor tano važno te sikava averen o čačipe?